Lulja që i përgjigjet ezanit! (video)

Në Azerbejxhan ekziston një lule e verdhë e cila quhet “Lulja e Ezanit” ngase ajo hapet apo çel vetem kur fillon të thërras ezani në xhaminë lokale ku gjendet lulja.

Për më tepër kronika e përgatitur nga CNN.

Mana ushqimi që përmendet në Kuran i cili është shumë e shëndetshme

Në një tubim ku Hoxha i nderuar Jakup Hasipi (r.a.) bënte komentimin e Kur’anit filloi poashtu të komentojë Suren El Bekare dhe te ky ajet filloi të përshkruajë mirësitë e All-llahut azze we xhel që ju dha në atë kohë Musait alejhi selam dhe popullit të tij. Gjatë përshkrimit tha se Mana – rrëshira është dhunti e Zotit dhe se është diçka shumë e shijshme dhe nuk mundet të përshkruhet me fjalë. Këtë e kishin si ushqim Musai alejhi selam dhe populli i tij për 40 vite me radhë. Atyre ju vinte për çdo ditë e freskët si dhe thëllëzat të cilat gjinden vetëm në Kodrën e Sinait ( sipas disa transmetimeve sot e kësaj dite ekziston një numër i vogël i këtyre thëllëzave ).

Për mos e zgjatur më tepër kalojmë në temën për të cilën momentalisht dëshirojmë të përqendrohemi se çka është Mana, ku gjendet dhe çfarë veprimesh ka Mana apo Shkurtëza si quhet nëpër disa vende. Fillojmë shkrimin duke e lutur All-llahun e Madhërishëm të na ndihmojë që kjo vepër të jetë vetëm për hir të Tij, dhe nëse kemi qëlluar diçka atëherë është vetëm dhunti e Tij e nëse kemi gabuar është prej meje dhe e lus Falësin që të më falë gabimet.
Në Kur’anit Kerim citojmë fjalët e të Lartëmadhëruarit mbi Musain alejhi selam dhe ajetet ku përmenden Manat :

‘’ Pastaj bëmë që retë t’ju bënin hije dhe ju zbritëm manën dhe thëllëza, duke thënë: “Hani nga ushqimet e mira, që ju kemi dhënë!” (Ata nuk ishin mirënjohës dhe kështu) nuk na bënë keq Neve, por i bënë keq vetes’’. {Bekare.57}.
‘’ Ne i ndamë hebrenjtë në dymbëdhjetë fise, secili komb më vete. Kur populli i tij i kërkoi ujë, Ne i kumtuam Musait: “Bjeri me shkopin tënd shkëmbit!” dhe prej tij shpërthyen dymbëdhjetë burime. Çdo fis e dinte burimin e vet. Dhe Ne u bëmë hije me retë dhe u zbritëm manën dhe thëllëza, duke iu thënë: “Hani ushqimet e mira që jua kemi dhënë!” Ata nuk na dëmtuan Neve, por i bënë dëm vetvetes’’. {A’raf.160}.
‘’ O bijtë e Izraelit, Ne ju shpëtuam nga armiku juaj, bëmë besëlidhje me ju në anën e djathtë të Turit dhe ju zbritëm manë dhe thëllëza’’. {Ta Ha, 80}.
Pra në Kur’anin Fisnik tregohet shumë bukur se çfarë të mirash ju dha All-llahu azze we xhel bijve të Israilit ( ashtu quhej Jakubi alejhi selam- Israil).
Mana ishte ushqimi të cilën e dërgonte i Madhëruari për çdo ditë në tokë për miliona njerëz që ishin duke u larguar prej Egjiptit përgjatë Kodrës së Sinasë së bashku me Musain alejhi selam nga torturat e Faraonit dhe jeta e dhunshme nën sundimin e tij.
Musai alejhi selam u largua nga Egjipti dhe ishte duke kaluar nëpër Kodrën e Sinasë me popullin e tij. Ata ishin miliona në numër dhe ushqimi i tyre nuk u mjaftonte në asnjë mënyrë për të mbijetuar atëherë iu drejtuan Musait se çka duhet bërë dhe kërkuan që ai t’i lutet Zotit të tij . Në atë lutje të Musait alejhi selam All-llahu azze we xhel i premtoi për ushqim dhe ju dërgon në vendin ku ishin duke pushuar në shkretëtirë thëllëza të cilat ishin tubuar rreth e përqark vendit ku qëndronin në pushim. Musai alejhi selam u tha se tani do të munden të hanë dhe të mos brengosen se do të vdesin për ushqim, pasi se All-llahu do t’i ushqejë për çdo ditë me ushqim që deri sot as që kishin shijuar.
Ashtu edhe ndodhi, në mbrëmjekonsumuan nga thëllëzat e dërguara posaqërishtë për ta nga lloji më i mirë i thëllëzave që ekzistojnë. Sipas disa të dhënave sot e kësaj dite ka lloje të thëllëzave të cilat fluturojnë gjatë pranverës dhe verës përgjatë Evropës kurse para se të vdesin kthehen prapë në Kodrën e Sinasë dhe aty përfundojnë jetën. Sidoqoftë ato thëllëza ishin shumë të shijshme dhe me bollëk për të gjithë.
Të nesërmen me të gdhirë ata u befasuan nga prania e ushqimit në tokë apo shkretëtirë, rrëshirë e dërguar prej All-llahut azze we xhel, dhe në disa vende quhet rrëshira si ‘’Ushqimi prej qiellit’’. Ajo përshkruhej sikur diçka shumë e shijshme, e ëmbël, e lezetshme në shije dhe e pjekur, më e ëmbël se mjalti ose sikur më e mira ëmbëlsirë me mjaltë. Ajo ju zbriste popullit të Musait alejhi selam natën sikur vesa në mëngjes prej qiellit në tokën shkretëtinore dhe njerëzit në mëngjes e mblidhnin prej tokës.
- Nga kjo edhe rrjedh fjala Mana – ‘’Man-hu’’ që donë të thotë prej hebraishtes e përkthyer ‘’Çka është kjo“ ?
- Ose sipas disa thënieve tjera Man – d.m.th ‘’Çka është’’?
- Por më e sigurte është thënia tjetër për këtë emër MANAN që d.m.th. të ndahet, dhunti, dhunti e cila ndahet.
- Në disa transmetime Mana quhet edhe si “shiu i artë i qiellit”
- Buka ose ushqimi prej qiellit
Pasi njerëzit u çuditën kur u zgjuan në mëngjes dhe gjetën këtë dhunti të Zotit të shpërndarë nëpër tokën shkretëtinore. Ajo përshkruhet sikur diçka e vogël dhe e rrumbullakët, njëjtë sikur bryma- vesa e mëngjesit në tokë dhe sikur farat e koriandrit, ngjyrë kafeje të çelët dhe në shije sikur ëmbëlsirë me mjaltë. Ishte e mundur të përdoret në mënyra të ndryshme: për zierje, për shtypje dhe për ngrënie pa përgatitje ashtu siç donin vetë.
Mana ishte e ardhur në mënyrë speciale për popullin e Musait alejhi selam në shkretëtirë prej All-llahut azze we xhel dhunti prej Tij por edhe sprovë për popullin e Musait alejhi selam.
Kështu përshkruhet në disa vende:
Mana arrinte në tokë me anë të vesës dhe mbetej aty nëpër vendet e caktuara më pas mblidhej dhe përdorej për ushqim. Mirëpo ajo Mana që në atë kohë ka zbritur prej qiellit ka dallim të madhë nga Mana që gjendet në Evropë e cila më së tepërmi gjendet në Kalabri dhe Sicili. Kjo Manë derdhet në muajin Qershor dhe Korrik nga disa trungje të vegjël sikur që janë emrat latin: Fraxinus Ornus, Hedysarum Alhagi, Tamarix mannifera. Edhe te këto vjen deri te formimi i disa pikave të lëngshme natën kurse në mëngjes forcohen. Pamja e tyre shihet në këtë foton më poshtë.
Sot e kësaj dite, në gjysmën e Kodrës Sinai nëpër lugina ku janë më të lagështa dhe ku ka ujë në masa më të mëdha gjendet edhe mëtej Mana për të cilën mendohen që është e ngjashme me Manën që zbriti në kohën e Musait alejhi selam por me numër shumë të vogël që karakterizohen me disa trupa të vegjël të pemëve “Mana Tamariske” (Tamarix mannifera), ose El-tarfah siq e quajnë arabët.
Me këtë lloj ushqimi u ushqyen 40 vjet për çdo paradite, kurse në mbrëmje kishin thëllëzat për ngrënie. Por një ishte shumë e qartë e për atë edhe ishin të informuar nga Musai alejhi selam se ata ishin të lejuar të ushqeheshin për tërë ditën dhe të ngopen sa të duan por nuk guxojnë që të mbledhin për më vonë ose të lënë diçka anash.
Por pasi se ky popull ishte jo shumë besimtar siç duhej, ata edhe filluan të frikohen se çfarë do të bënin nëse nuk do të kenë më tutje për ushqim edhe pse ishte një premtim prej All-llahut azze we xhel, kurse All-llahu siç e dimë nuk e thyen premtimin asnjëherë. Pra shumica e tyre filluan tinëzisht të merrnin rezerva dhe i lenin anash për të nesërmen. Por nuk ka asgjë që mund ti ikë All-llahut, Vigjiluesit i Cili sheh dhe vëzhgon çdo gjë. Kjo pra ishte pika e dobët e tyre, por befasia ishte shumë e madhe pasi se ata kur ngriheshin në mëngjes i gjithë ushqimi që kishin lënë anash ishte prishur dhe ishte shëndrruar në krimba, por ata nuk bindeshin në këtë premtim të All-llahut se do të kenë mjaft dhe përherë, derisa ata vetë e kaluan kufirin.
‘’Hani nga ushqimet e shijshme e të lejuara me të cilat ju kemi furnizuar dhe mos e kapërceni kufirin, përndryshe do t’ju zërë zemërimi Im. Ai, të cilin e zë zemërimi Im, është i humbur! {Ta Ha, 81}.
Sa i përket asaj që ka thënë i Dërguari i All-llahut , salAllahu alejhi we selam, se kërpudhat janë nga Mana, duhet thënë se përdorimi i fjalës Mana ka dy shpjegime të mundshme: kjo mund të tregojë ushqimin, të cilin All-llahu i Gjithëfuqishëm e ka siguruar për biijtë e Israelit në shkretëtirë, mirëpo këtu fjala Mana në arabisht nuk përdoret si emër për të treguar ëmbëlsirat e zakonshme të njohura si Mana´(arab. man), por, në vend të kësaj, si folje kalimtare që do të thotë dhurim. Në këtë kuptim nuk ka kurrfarë dyshimi që dhuratat (dhuntitë, begatitë) materiale dhe shpirtërore dhe ndihma e All-llahut të Gjithëfuqishëm që u është dhuruar bijve të Israelit kanë qenë të shumta.
Ai i krijoi dhe e furnizoi popullin me to pa i mbjellur, pa mundë dhe pa punë, pra pa pasur nevojë për të lëruar ose ujitur tokën. Këto janë dobitë dhe begatitë e All-llahut të Madhërishëm. Sa i përket dhuratës në formë ushqimi të All-llahut për bijtë e Israelit, ai i furnizoi ata edhe me kërpudhat tuberoze për këtë qëllim, si ushqim më të përkryer, dhe i bëri ato në vend të bukës së tyre, ndërsa shkurtëzat kanë qenë mishi i tyre që e kanë kërkuar, dhe lëngu bimor (arab. tall; turunxhubin; nasg) u ka dhënë energjinë e duhur. Lëngun bimor që e kanë pirë ka qenë i përgatitur, i lejuar dhe i ëmbël, të cilin e nxirrnin nga drurët e shkretëtirës dhe ai përbënte një ushqim vital për jetën, shëndetin dhe ekzistencën e tyre. Prandaj, vetëm me këto begati dhe dhurata të All-llahut, në mes të shumë të tjerave, ata kishin mundësi të kënaqnin dëshirën e tyre për mish dhe të mbijetonin kalimin nëpër shkretëtirë. Tërë këtë e arritën me lejen e All-llahut.
Ky ishte ushqimi i premtuar dhe i dërguar prej All-llahut azze we xhel për çdo ditë 40 vite me radhë, për miliona njerëz. Ushqeheshin pa asnjë lloj mundimi me një ushqim që pra nuk mundet as të paramendohet për nga shija dhe mirësia. Por pasi populli i Musait alejhi selam kishte besim jo të sinqertë u ndalua kjo mirësi e All-llahut azze we xhel pasi se ata e përbuzën. Sa i përket rrëshirës së ëmbël natyrore (arab. turunxhubin), ajo është forma tjetër e Manës. Kjo është e bardhë, pluhur dhe ushqim i mirë, i cili kishte zbritur nga qielli, që ishte shpëtim mrekullibërës nga uria.
Ajo që dihet sot, është se Mana, pra që ka qenë atëherë dhe nga ajo që gjendet sot: se ka efekt purgativ , antipiretik , analgjetik, kundër anemisë dhe arteriosklerozës dhe edhe shumë sëmundje tjera. Por pasi se nuk gjendet lehtë dhe edhe nëse gjendet është në masa shumë të vogla nga ajo që i nevojitet trupit, nuk jemi ndalur aq shumë në këtë kërkim të mëtutjeshëm të dobive shëndetësore.
All-llahu teala ealem.
Literatura e përdorur:
1. Kur’ani përkthim nga Hasan Nahi
2. Enciklopedia e bimëve shëruese
3. Heilpflanzen ( bimët shëruese ) M. Pahlow
4. Mjekësia e të Dërguarit Muhammed – Ibn Kajjim el- Xhevzi- përkthim nga Prim.Dr. Med. Sci. Ali Iljazi
5. Faqe të ndryshme të internetit
6. Tekste nga Bibla dhe Teurati i sotshëm
Përgatiti dhe përshtati: Suzana Hasani

Viti 2014 do të jetë më i ngrohti në histori (video)

Viti 2014 mund të jetë viti rekord me verë të nxehtë. Shkencëtarët në mbarë botën janë të sigurt për këtë me 75 për qind! Ky parashikim është i lidhur ngushtë me fenomenin global atmosferik dhe oqeanik El Niño, i cili, sipas shkencëtarëve, është i gatshëm të hedh në atmosferë sasi të mëdha të nxehtësisë.

El Niño, në fakt paraqet një turbullirë të fortë termike mbi sipërfaqen e Paqësorit lindor, që ka ndikim të madh në klimë dhe mund të krijojë kaos në botë.

Shkencëtarët gjermanë besojnë se është e mundur të parashikojnë sjelljen e El Niños një vit më parë, por pasi temperatura e ujit është e ndikuar nga erërat që fryjnë në ekuator, prognoza është e kufizuar në gjashtë muaj, raportojnë mediat e huaja, transmeton Telegrafi.

Ata pretendojnë se metoda e tyre parashikoi me saktësi mungesën e këtij fenomeni në dy vitet e fundit dhe se ka shumë gjasa që të realizohen parashikimet e tyre se El Niño pritet në fund të vitit 2014.

Megjithatë, opinionet midis ekspertëve në këtë fushë janë të ndara. Meteorologu amerikan Tim Barnett pohon se këto metoda janë të vjetra dhe se janë përdorur në vitet ’80 dhe ’90 të shekullit të kaluar, ndërsa meteorologu australian Andrew Watkins thotë se El Niño ka gjasa të shfaqet, por jo që kjo patjetër të ndodh.

Ajo rreth së cilës pajtohen të shkencëtarët është se Toka çdo dhjetë vjet goditet nga një thatësirë shkatërruese dhe zjarre të papara, dhe se shanset që kjo krizë të ndodhë në këtë vit janë në 75 për qind.

Ja si mund ta ndalosh lemzën?

Lemza mund të paraqitet si reaksion në ngrënie të shpejtë, konsumim të lëngjeve të ftohta dhe ushqimeve djegëse, mirëpo mund të paraqitet edhe si pasojë e shqetësimit apo stresit. Për ta evituar atë, ekspertët sugjerojnë që të pimë një gotë ujë ose të hamë një lugë sheqer.

Lemza shpesh di të jetë diçka e bezdisshme, sidomos kur shfaqet në situata të palakueshme. Për ta evituar atë, ekspertët sugjerojnë që të pimë një gotë ujë ose të hamë një lugë sheqer. Njëkohësisht edhe faktori psikologjik luan rol të rëndësishëm.

Nëse hiqet mendja dhe mendohet në diçka tjetër, lemza do të jetë diçka e harruar. Ndalesa e frymëmarrjes, pirja e ujit të ftohtë me gllënjka të vogla, vendosja në qafë e një cope akulli, vendosja e një borse akulli në bark, gudulisja e hundës për të provokuar një
teshtimë, marrja e frymës thellë, duke ndjekur një ritëm të rregullt, janë disa nga mënyrat e ndalimit të lemzës.
Lemza mund të zërë edhe një fëmijë të porsalindur dhe mund të ndalohet duke e marrë në
krah, i mbështet kokën në shpatull dhe i bie lehtë në kurriz, në mënyrë që t’ia nxjerrsh ajrin që ndoshta i ka dilatuar stomakun ose ezofagun.

Një mënyrë tjetër është edhe frymëmarrja dhe nxjerrja në një qese letre. Në këtë mënyrë rritet sasia e CO2 në organizëm. Por, mjekët kryesisht rekomandojnë ngrënien e një luge sheqer pa ujë.

Bima që shëron kancerin për vetëm 16 orë!

Nëse bima përdoret e vetme, shkakton reduktim për 28 për qind të qelizave të kancerit të gjirit, por në kombinim me hekur, pelini i ëmbël ia ka dalë që ta ''fshijë'' kancerin në tërësi për 16 orë.

Ilaçi i kancerit ekziston edhe jo vetëm një, por ekziston një varg i ilaçeve bimore që me sukses e shërojnë kancerin.

Por, kjo bimë, pelini i ëmbël, në fakt është zbulim i jashtëzakonshëm në luftën kundër kësaj sëmundjeje vdekjeprurëse. Edhe pse studimi ekziston para ndeshm dyshohet që industria farmaceutike do ta pranojnë ndonjëherë që një bimë mundet të bëjë atë që nuk do të mund ta bëjnë mijëra ilaçe sintetike. Pra sipas hulumtimeve të bëra para pak kohësh, të cilat janë botuar në revistën shkencore 'Life Science', artemisinina, derivat i bimës 'Sweet Worm-Wood' (Artemisia Annua L., përkthim nga anglishtja - pelini i ëmbël), e i cili përdoret në mjekësinë kineze, mundet të shkatërrojë 98 për qind të qelizave të kancerit të gjirit për më pak se 16 orë! Nëse bima përdoret e vetme, shkakton reduktim për 28 për qind të qelizave të kancerit të gjirit, por në kombinim me hekur pelini i ëmbël ia ka dalë që ta "fshijë" kancerin pothuajse në tërësi. Për më tepër, në qelizat normale dhe të shëndetshme të gjirit pothuajse nuk ka pasur aspak ndikim në këtë hulumtim i cili, për dallim nga kimioterapia, është revolucionar, sepse përveçqë i shkatërron qelizat e këqija të kancerit, ajo e shkatërron edhe indin e shëndetshëm dhe në atë mënyrë e dëmton seriozisht organizmin e njeriut.

Artemisinina në të kaluarën është përdorur si mjet i fortë kundër malaries, por tani është dëshmuar se është efikase edhe kundër kancerit. Kur pjesëmarrësve të studimit u është shtuar edhe hekuri, i cili shpesh mblidhet në indin e gjirit, por veçanërisht në qelizat e infektuara me kancer, artemisinina në mënyrë përzgjedhëse i ka sulmuar qelizat e "këqija", ndërsa nuk i ka prekur qelizat e "mira".

"Në përgjithësi, rezultatet tona dëshmojnë që pengimi i faktorit transkriptues E2F1 nga ana e artemisininës ndërmjetëson në ndaljen e qarkut qelizor të qelizave të kancerit në mënyrë kritike transportuese me të cilën artemisinina e kontrollon rritjen e qelizave riprodhuese të kancerit", thuhet në konkluzionin e studimit të laboratorit të kancerit në Universitetin e Kalifornisë.

Hekuri mblidhet në qelizat kancerogjene me receptorë të veçantë që u ndihmojnë në ndarjen e qelizave. Qelizat normale i kanë gjithashtu këta receptorë, por qelizat kancerogjene i kanë në sasi më të mëdha, dhe sipas kësaj, mund të shënjestrohen me kambinimin e hekurit dhe artemisininës.

Deri tani janë bërë shumë eksperimente që dëshmojnë se artemisinina mundet ta mënjanojë në mënyrë efikase sëmundjen me prani të hekurit.

Ky ekstrakt në kinë është përdorur për mijëra vite kundër malaries. Paraziti i malaries nuk mundet që të jetojë në prani të artemisininës, sepse është i pasur me hekur, shkruan Kosova Sot.

Deri tani ku ekstrakt ka qenë vështirë që të blihet me çmime të volitshme, por me rritjen e interesimit për këtë bimë edhe çmimi do të mund të ishte u pranueshëm.

Kompania prodhuese e ilaçeve 'Sanofi' nga Franca ka premtuar se do të prodhojë 50 deri 60 tonelata artemisininë në vit, duke shpresuar se do ta plotësojë nevojën e tregut botëror.

Ja si formohet fëmija në barkun e nënës, (video) madhështore

Formimi dhe lindja e një fëmije është një mrekulli në vetvete. Pavarësisht të dhënave të shumta që na jep mjekësia, ky proces mbetet ende intrigues.

Një dokumentar i shkurtër nga Nisl Tanernier, i titulluar “Odiseja e Jetës”, na çon në një udhëtim fantastik në 9 muajt e para të jetës së njeriut.

Videoja me pamjet 3D na tregon hapat e formimit fillestar dhe zhvillimit të fëmijës gjatë 9 muajve në barkun e nënës. 
”Ne e krijuam njeriun prej një pike uji të përzier me qëllim që ta sprovojmë atë…” (El Insan 2)
Në Kuran është shpallur se njeriu është krijuar në barkun e nënës në tri faza.
”… Ai ju krijoi në barkun e nënave tuaja, fazë pas faze, në tri errësira. Ky është Zoti, Zoti juaj, vetëm i Tij është pushteti…” (Ez-Zumer 6)

Ndiqni kete video te mrekulluehme:

Domatja-boronicë që lufton kancerin!

Kjo domate e modifikuar gjenetikisht me ngjyrë të purpurt e cila mund të dalë së shpejti në treg mund të ndihmojë për të luftuarkancerin. Shkencëtarët thonë se domatet e reja mund të përmirësojnë vlerat ushqimore të gjithçkaje, që nga salca e deri tek picat.

Sipas BBC, pigmenti i errët i jep domateve të njëjtin potencialpër përfitim ushqimor si boronicat.Për herë të parë njëdomate e tillë u prodhua në Britani dhe tani po prodhohet në shkallë të gjerë në Kanada

Prezantohet plumbi që të shkatërron organet jetësore

Një plumb i ri i dizenjuar për të “shkatërruar organet jetësore të njeriut” është prezantuar në Las Vegas dhe është prodhuar nga G2 Research në mënyrë që femrat të kenë mundësi të mbrojnë shtëpinë e tyre nga të panjohurit. 

Plumbi që quhet R.I.P (Radically Invasive Projectile) është konsideruar si “plumbi i vetëm që ju nevojitet”.

I ideuar për t’u ndarë në 8 pjesë të vogla, plumbi “shpërthen” pasi hyn në trup duke prekur shumë organe dhe duke shkaktuar dëme fatale.

Presidenti i G2 Research, Cliff Brown, thotë: “Doja të krijoja një plumb që funksionon ndaj atyre që hyjnë në shtëpi për të vjedhur apo për të sulmuar femrat e vetmuara. Kemi dëgjuar pafund histori të grave që mundohen të mbrojnë shtëpinë duke shtënë me armë ndaj keqbërësit 5-6 herë dhe sërish ai vazhdon t’i ndjekë. Doja të krijoja një plumb që mbaron punë me herën e parë.”

Kuriozitete për gjumin

Kur jeni në gjumë, truri juaj rimerr energji, qelizat tuaja riparojnë veten dhe trupi juaj lëshon hormone të rëndësishme. 

Keni nevojë për sasi të ndryshme gjumi, në varësi të moshës. 

Ju mund të ëndërroni vetëm për imazhet që i keni parë, pavarësisht nëse i mbani mend apo jo. 

Parasomnia është një çrregullim gjumi, që ka të bëjë me lëvizjet jo natyrale në gjumë. 

12 për qind e njerëzve ëndërrojnë bardhë e zi. 

Të ëndërrosh është normale. 

Personat që nuk ëndërrojnë, në përgjithësi kanë çrregullime personaliteti. 

Kur delfinët flenë, vetëm gjysma e trurit të tyre bie në gjumë, pjesa tjetër qëndron zgjuar për të ndihmuar me ciklet e frymëmarrjes. 

Personat e verbër mund të shohin imazhe në ëndrra. 

Brenda 5 minutave që zgjoheni nga gjumi, 50 për qind e ëndrrave harrohet, pas dhjetë minutash harrohet 90 për qind e tyre.

Lëkura e limonit mbron lëkurën nga kanceri

Së fundmi është zbuluar një veti e lëkurës së limonit: ajo ka aftësinë të mbrojë lëkurën e njeriut nga kanceri.
Studimi amerikan i botuar në revistën “Nutrition and Cancer”, ka treguar se limoneni-d pengon zhvillimin e qelizave kanceroze në lëkurë.
Limoneni-d gjendet pikërisht në lëkurën e limonit, portokallit dhe frutave të kësaj familje. Nëse grijmë pak lëkurë limoni në rente, dhe e hedhim në caj, përvecse do t’i shtojë aromën cajit, do t’i shtojë edhe lëkurës forcë për të luftuar qelizat kancerogjene.

FAKT SHKENCOR: PSE GOMARËT SHOHIN DJAJTË NDËRSA GJELAT E FUSHËS SHOHIN ENGJËJT?

T`a dëgjosh këtë thënie profetike, ka prej njerëze që thonë: Besojme vetëm në atë që shohim, të tillët do t`a quanin bestytni një thënie të tillë. Mirëpo shkenca vërteton se këto fjalë janë të një standarti tepër të lartë për tu përfillur prej saj. Në fakt kemi të bëjmë me një mrekulli shkencore.

Aftësia e sistemit të shikimit të njeriut është e limituar. Gjithsesi krijesa të ndryshme kanë nivele të ndryshme në dallimin e dritës dhe rrezeve.
Kështu njeriu nuk mund të shikojë mbi nivelin e rrezeve Infra të kuqe dhe as nën nivelin e rrezeve Ultra Violet. Mirëpo tek gjelat dhe gomarët limiti ndryshon.

Rrezet Infra të kuqe= 527 watt. Syri i njeriut maksimumi që arrin të shohë është deri në 445 watt që është edhe temperature e dritës normale. Ndërsa rrezet Ultra Violet janë nën nivelin e shikueshmërisë njerëzore. Ato janë vetëm 32 watt.
Shtrohet pyetja:
Si kanë mundësi që gomarët të shohin djajtë dhe gjelat të shohin engjëjt?
Gomarët kanë mundësi të shohin përtej rrezeve infra të kuqe. Ndërsa djalli i cili është prej Xhindeve është i krijuar nga zjarri. Dhe rrezet infra të kuqe më se shumti kanë origjinë nga nxehtësia dhe zjarri. Temperaturat mbi 527 vatt janë rreze Infra të Kuqe

Nga ana tjetër gjelat e fushës shohin përtej rrezeve Ultra Violet. Ndërsa Engjëjt janë krijuar prej dritës ndërsa rrezet Ultra Violet janë niveli më i ulët i temperaturës pra 32 watt i pakapshëm për syrin e njeriut. Mirëpo jo i tillë edhe për syrin e gjelave të fushës.
Fakt tjetër është edhe Përmendja e Allahut (xh.sh) e cila ul zemërimin tek njeriu. Nëse llogarisim që zemërimi është një nxehtësi jo normale e sistemit nervor të njeriut (Pse jo i ndikuar edhe nga djalli) Të përmendësh Allahun (xh.sh) sistemi nervor fillon të ftohet dhe të bjerë në nivelet normale. Kjo vërteton njëkohësisht faktin që djajtë largohen nga përmendja e Allahut (xh.sh).
E kush tjetër veç Allahut (xh.sh) e ka mësuar Profetin Muhamed (a.s) për aftësitë e këtyre dy krijesave të tjera dhe diferencat që kanë në nivelin e shikueshmërisë së rrezatimeve të ndryshme? /ekuiliber/

Nga: Eduart Thartori

Profeti Muhamed (a.s) ka thënë: Nëse dëgjon një gjel duke kënduar atëherë lute Zotin për begatitë e tij. Sepse ato (gjelat e fushës) shohin Engjëjt. Ndërsa kur dëgjoni një gomar duke pëllitur atëherë kërkoni mbrojtje nga Allahu i Madhëruar sepse ato (gomarët) shohin djajtë.

HANI VEZË PËR MËNGJES, QË TË FRENONI OREKSIN E TEPËRT

Ushqimet e pasura me proteina të tilla si vezët dhe mishi për mëngjes mund të përmisojë ndjeshëm kontrollin dhe të zvogëlojë konsumin jo të shëndoshë në mbrëmje, ka thënë një studim i ri.

Leidy Heather, një asistent profesor në departamentin e të ushqyerit dhe stërvitjeve fiziologjike, 

Universiteti i Missouri-Columbia është i pari që ka shqyrtuar ndikimin e oreksit në konsumin e mëngjesit të përditshëm dhe frenimin e konsumit të tepërt në mbrëmje.

Në studimin e saj, 20 femra të moshës 18-20 adoleshente me mbipeshë kanë konsumuar një mëngjes me proteina të larta të përbërë nga vezët dhe mishi i viçit, ose kanë ngrënë një mëngjes me proteina-normale të gatshme siq janë drithërat.

Pjesëmarrësit përfunduan pyetësorët duke ja marrë edhe mostrat e gjakut gjatë gjithë ditës. Para darkës, një skanim të trurit duke përdorur rezonancë magnetike funksionale është kryer për të ndjekur sinjalet e trurit që kontrollon motivimin e ushqimit.

Konsumi i mengjesit me proteina të larta ka çuar në rritjen e plotësisë apo “ngopjes” së bashku me reduktimet në aktivitetin e trurit që është përgjegjës për kontrollin dhe dëshirat e ushqimit. 

Mëngjesi me proteina të larta ulë kosumin në mbrëmje të ushqimeve të larta në yndyrë dhe të lartë të sheqerit, në krahasim me mëngjesin normal me përbërës tjerë, tha Leidy.

Kapet peshku i tejdukshëm

Një peshkatar nga Zelanda e Re kapi një peshk të pazakonshëm. Një peshk në formë xhelatine, i tejdukshëm, që nuk është parë ndonjëherë, është nxjerrë nga ujërat e ishullit “Peninsula”, në Zelandën e Re.

Fillimisht peshkatari ishte me mëdyshje për ta kapur apo jo, por kur u afrua dhe pa që nuk ishte si gjithë peshqit e tjerë, vendosi ta kapte dhe më pas ta studionte, raporton “Daily Mail”.

Deborah Cracknell, përfaqësuesi i grupit të studiuesve të “National Marine Aquarium”, në Plymouth, beson se krijesa fluoreshente e peshkuar është një “Salpa maxima”.

Omega-3 kundër sterilitetit

Konsumimi i sasive të mjaftueshme të acideve yndyrore omega-3 mund të ndihmojë në luftën kundër sterilitetit te meshkujt.Sipas studimeve të realizuara kohë më parë, omega-3 të cilat me bollëk gjenden në peshq, kanë efekt edhe në aftësinë riprodhuese të meshkujve.

Specialistët thonë se membrana mbështjellëse e spermatozoideve përbëhet nga acidi dokozaheksanik (DHBA), që është njëri nga acidet yndyrore omega-3 e që është arsyeja se pse këto ndihmojnë në luftën e sterilitetit te meshkujt.

Përveç që kontribuojnë drejtpërdrejt në prodhimin spermatozoideve, acidet omega-3 ndikojnë edhe në një mori problemesh tjera në organizëm, përshirë edhe uljen e gjasave për të zhvilluar sëmundje të zemrës.

Rrisni flokët tuaj me hithër, efektet kuruese të saj

Me lëngun e hidhrës mund të bëni mrekulli për shëndetin tuaj duke patur efekte positive te personat të sëmurë me reumatizëm, diare etj. Kjo bimë është shumë e pasur me vitaminat A, C dhe K.

Në mjekësinë popullore, ajo është cilësuar mbretëresha e bimëve. Efektet e përdorimit të saj janë të menjëhershme.

Reumatizma, sëmundja e moshës së tretë, kurohet më së miri me hithra.

Për të përgatitur çajin nevojitet një lugë nga bima e tharë dhe e grimcuar. Kjo masë hidhet në një gotë me ujë të nxehtë dhe lihet në qetësi për 15 minuta.

Më pas kullohet dhe pihet 3 herë në ditë nga një gotë. Dhimbjet reumatizmale mund të kurohen edhe duke vënë bimën e freskët në kontakt të drejtpërdrejtë me lëkurën. Vendi i dhimbjes rrihet me bimën e freskët derisa te dallohet një si pullë gjaku.

Raste të tjera që rekomandohen nga mjekësia moderne për kurimin me hithër.

-Efektet stimuluese të hithrës ndihmojnë për prodhimin e qumështit dhe rritjen e energjisë pas lindjes.

-Larja e kokës me ujin e hithrës këshillohet për ata që kanë probleme me rritjen e ngadaltë të flokëve.

-Hithra është forcues natyror i testosteronit, i cili ndihmon ne rritjen e vitalitet tek meshkujt.

-Një efekt të menjëhershëm jep kjo bimë edhe në rastet e diaresë. Përdorimi i çajit të hithrës bën që diareja të kalojë shpejt dhe lehtë

Qumështi për kujtesë më të fortë

Qumështi është një aleat i mirë për kujtesën. Ky është rezultati i një studimi të kryer nga Universiteti i Meinit në SHBA, i cili është publikuar në International Dairy Journal.

Studimi është bazuar në matjen e performancës cerebrale që u është bërë disa vullnetarëve. Gjatë eksperimentit u pa se ata që konsumonin qumësht dhe nënproduktet e tij i kishin mundësitë për të gabuar gjatë testit 5 herë më të vogla se të tjerët.

Sipas studiuesve, kjo vjen për shkak të vitaminave të grupit B, të cilat kanë përqëndrim të lartë te qumështi. Këto vitamina njihen për efektet pozitive në ruajtjen e kujtesës.

Autorët e studimit këshillojnë konsumin e të paktën një gote qumështi në ditë, për të ndihmuar në ruajtjen e potencialit të kujtesës, por edhe për të parandaluar sëmundjet degjenerative neuropsikologjike.

Hurma, bazë për një lindje të lehtë!

Në ajetet Kur’anore të cilat flasin për ngjarjen e zonjës Merjem ka tre fjale te cilat mjeksia bashkohore ka zbuluar se janë themeli i lindjes së lehtë. Allahu i thotë zonjës Merjem të bijës së Imranit:
“Kështu që ha e pi dhe ji e kenaqur(freskoji sytë) dhe po të shohësh ndonjë njeri, thuaj: Me të vërtetë unë i jam zotuar Të gjithëmëshirshmit (Allahut) për agjërimin (heshtje) kështu që nuk do t’i flas asnjë njeriu këtë ditë.” (Merjem 25-25)

Persa i perket fjalës “kënaqu (freskoji sytë)” shkencëtarët nga kjo fjalë kanë zbuluar se gjendja psikologjike e gruas pak para lindjes ka nje lidhje të ngushtë me lehtesimin e lindjes. Nëse gruaja është e qetë, e kënaqur, burri i saj gjindet pranë saj para lindjes, një gjë e tillë është faktor themelor i lindjes së lehtë. Cdo shqetësim psikologjik, cdo krize sensual, dhe cdo zenke mes dy bashkëshortëve kur gruaja është në prag të lindjes, një gjë e tille lindjen e bën të vështirë. Pra për një urtësi të madhe Allahu thotë: “Kështu qe ha e pi dhe ji e kenaqur (freskoji sytë).

Nga zbulimet shkencore më interesante është se në hurma ka nje lëndë e cila ndihmon në mbledhjen e mitres madhesia e së cilën gjate shtatzanise është prej 2.3 cm3 deri ne 750 cm3. Ndërsa fetusi, posht tij është placenta e cila është e lidhur me enët e gjakut të nenes, dhe kur zbret fetusi nga mitra e nenes dhe e ndjek atë placenta atehërë këto enë hapen dhe keputen ndersa nëse mbeten të hapura nena do të ketë gjakderdhje dhe do vdes. Prandaj Zoti jone i lartëmdheruar për një urtesi të madhe mitren e nenës e bëri që ajo të mblidhet fuqishëm deri në atë shkallë sa që mbajtëset e mitrës të behen të fortë si shkëmbi. Dhe kur akusherja e vendon dorën në mitër, e ndjen atë të fortë dhe atëherë bëhet e qetë se lindja do jetë e shkëqyer sepse mitra me mbledhjen e saj të fuqishme i mbyll të gjitha artetiet e hapura dhe me këtë nderpritet hemorragjia. Pra hurma permban nje lende e cila e ndihmon mitren që të tkurret.

Prandaj është përmendur fjala hurmë në ajetin e lindjes ku Allahu thote:
“Dhe ti shkunde trupin e hurmës nga ti, do të leshojë mbi ty hurma të freskëta e të pjekura.”
Hurma e freskët poashtu përmban një lëndë e cila asiston në rrëshqitjen e ushqimit të mbetur në zorrën e trashe. Ajo është një lëndë pastruese dhe zbutëse. Cdo grua e cila është në prag të lindjes, mjeku apo akusherja e porosit që zorrët e saja të jenë të zbrazura nga cdo gjë, e qëllim që mbushja e zorreve mos të vështiresoj daljen e fetusit nga mitra. Pra në hurmë gjindet ky lloj lënde zbutëse dhe pastruese e zorrëve e sidoemos atë të trashën.

Dhimbjet e lindjës janë shumë të veshtira. Të rahurat e zemrës ndonjëherë janë 100 herë në sekondë, ose 80 herë në minut ose 180 herë, me qëllim që t’i përballon këto tkurrje të ashpra. Zemra pra ka nevojë për ushqim, poashtu lëvizjet muskulore kanë nevojë për të, prandaj kalimi i hurmës nga goja deri direkt ne gjak nuk shkon më shumë se dhjete minuta. Ajo është lendë me e lehtë për tretje dhe për shëndrimin e saj nga ushqim në energji.

Vërtetë hurma është shumë e përqëndruar. Ajo ka nevojë për një lëng në të cilin do shkrihet me qëllim që të lehtësohet thithja: “Kështu që ha e pi”
Përse njeriu pasi të hajë dicka të ëmbël ka nevojë të pijë ujë? Kështu është ndertimi funksionar i tij sepse gjëja e ëmbël ka nevojë për zgjatje dhe që të shkrihet në një lëng me qellim që të lehtësohet tretja. Prandaj pirja e ujit është e doemosdoshme për gruan e cila është në prag të lindjes ndërsa gjëndja e saj psikologjike të qetë është element themelor në lindje dhe në ushqimi i saj duhet të jetë tre gjëra, lëndë që ndihmojnë në tkurrjen e mitrës, lëndë që e pengojnë hemorragjinë (gjakderdhjen), lëndë q i pastrojnë dhe i zbusin zorrët dhe lëndë tjëra të cilat ushqejnë në mënyrë të shpejtë dhe të lehtë.

Ky Kur’an Fisnik është fjala e Zotit të botrave, fjalë për një rrëfim por nëse ndalesh dhe i mediton ato do të gjesh cudira:
“Dhe ti shkunde trupin e hurmës nga ti, do te leshojë mbi ty hurma të fresketa e të pjekura.”
Ushqimi dhe pija të posacem si dhe gjendja e qetë psikologjike janë të patjetërsueshme pare lindjes.
Këto janë disa versete Kur’anore dhe sa me shumë shkenca të përparon njeriu akoma më shumë bindet se kjo fjalë është fjala e Allahut, Zotit të botërave, fjala e Krijuesit të gjithësisë, dhe jo fjalë e njeriut.

Çokollata shëron kollën

Shkencëtarët këshillojnë konsumimin e çokollatës në vend të shurupëve të ndryshëm, të dëmshëm në kurimin e kollës tek të rinjtë nën moshën 18 vjeç dhe fëmijët.“The Telegraph” njofton se studiuesit theksuan se përbërësi “teobromin” i gjendur tek kakao dhe çokollata, ndihmon në heqjen e kollës. Pasi të testohet për dobinë e tij do të hidhet në treg në trajtë ilaçi brenda dy vjetësh.

Në studimin e realizuar nga Instituti Ndërkombëtar i Anglisë për mushkëritë dhe zemrën u vërtetua se përbërësi “teobromin” i gjendur tek kakao dhe çokollata ndihmon në heqjen e kollës.

Duke pohuar se lënda “teobromin” është më efektive se shurupët në heqjen e gërvishtjes së fytit dhe kollës, studiuesit bënë të ditur se lënda “codeine” e gjendur në shurupët e kollës është një lëndë shumë e dëmshme për fëmijët dhe të rinjtë nën moshën 18 vjeç.

Specialistët deklarojnë se vetëm një cope çokollatë “bitter” ndihmon në qetësimin e kollës por ato pohojnë se nuk janë bërë akoma studime për të përcaktuar dozën e duhur.

Mrekulli në trupin tënd, njihe veten se sa je i pasur!

Gjatë procesit të frymëmarrjes mbushen me oksigjen 400 milion alveola në mushkëritë tona. Sipërfaqja e alveolave është 150 m² . Diafragma, muskuli që ndan zgavrën e kraharorit nga ajo e barkut është organi  muskulor më aktiv gjatë jetës së njeriut. Ky organ nuk pushon asnjëherë. Ky muskul tkurret e lëshohet (kontrakton) 11 mijë herë në orë, afro 264 mijë herë gjatë ditës, afro 670 milion herë për 70 vjet jetë.

Truri ynë është kompjuteri më i përsosur në botë. Ai përbëhet nga 100 miliard qelizash të përhimta e barabartë me një potencial mbi 10 mijë programe kompjuterike në veprim të përhershëm. Sipërfaqja e këtyre kompjutërve është 250 mijë km² (sa gjysma e sipërfaqes së Francës). Të shtojmë edhe diçka: nevojitet pak dashuri dhe intimitet për të lindur krijesën e re, njeriun. Këtë nuk mund ta realizojë kurrë asnjë kompjuter.

Çdo ditë shkenca zbulon gjëra të reja tek njeriu. Biologët e universitetit të Miçigenit zbuluan në lëkurë dhe në flokë të njeriut metale si: argjendi, plumbi, kallaji, zinku, hekurri, bakrri dhe alumini.

Ciklonet dhe anticiklonet rrallë herë kalojnë shpejtësinë 130 deri 140 km në orë, kurse shpejtësia e ajrit që del prej mushkërive nëpër kordhat zanore gjatë tështitjes arrin shpejtësinë 390 km në orë. Çfarë mrekullie e Krijuesit !

Në realitet ne jemi “qënie elektrike” ngase që të 60.000 miliardë qelizat e njeriut funksionojnë  në saj të elekticitetit natyror të tyre, që i dhuroi Mjeshti i përsosur, Allahu i Gjithëfuqishëm dhe i Gjithëdijshëm.

Shkenca e mjekësisë thotë se çdo qelizë e trupit tonë është një uzinë në miniaturë, nga brendia e elektrizuar me elkticitet negativ, ndërsa nga jashtë me elektricitet pozitiv.

Në këtë sistem gjenial bazohet metabolizmi ynë. Me anë të elektrokardiogramit (EKG) dhe elektroencefalogramit (EEG) ne sot mund të regjistrojmë elektricitetin që emiton zemra dhe truri.

Allahu i Lartësuar në Kuran thotë: “Po edhe në veten tuaj. A nuk po e shihni?” (Dharijat, 21)

Shumë njerëz e lexojnë këtë ajet pa u thelluar shumë në fjalët kuptimplota që i përmban ai. Duke analizuar me vëmendje këtë ajet dhe duke vështruar vetveten do të gjejmë shumë shenja dhe argumente në veten tonë.

Ndodh që dikush thotë: unë jam zotërues i vetvetes, unë e kontrolloj vetveten dhe bëj çfarë të dua e ç’të më teket. Kjo nuk është e vërtetë, sepse trupi i njeriut është pronë e Allahut të Plotfuqishëm.

A thua mund ta detyrosh të pushojë pak zemrën  që rreth pa ndërprerë? Ose nëse ndalet rastësisht, a mund ta bësh të lëvizë përsëri? Si ke guxim të pohosh se e ke nënkontroll dhe ia ke nënshtruar zemrën vullnetit tënd. Kur fle, zemra rreh pa u ndalur.

Po frymëmarrja? A thua ti merr frymë me vullnetin tënd? Duhet ta dish se frymemarrja është një veprim që kryhet instiktivisht 16 herë në minutë, pa dëshirën dhe insistimin tënd. Kur asaj i jepet urdhëri hyjnor për t’u ndalur, atëherë atë nuk mund ta rikthejë kush përsëri.

Po stomaku dhe gjithë ajo që gjendet në të, shqetësimet dhe reaksionet gjatë tretjes së ushqimit. Po lëngjet që tajiten nga gjendrat e shumta endokrine, a thua të gjithë këto kryen sipas vullnetit tënd?

Po zorrët dhe lëvizja e ushqimit nëpër to, mënyra si i absorbojmë materiet e dobishme për organizimin dhe zhvillimin e tij dhe si i nxjerrim jashtë materiet e dëmshme. A thua të gjitha këto veprime kryen sipas vullnetit tënd, a po kryen pa i hetuar fare?

Po rruazat e bardha të gjakut (leukocidet) të cilat konfrontohen me mikrobet në çastin kur ato hyjnë në trup? Leukocidet, së pari, e përcaktojnë mënyrën se si t’i shkatërrojnë mikrobet, në mënyrë që palca kurrizore të stimulojë tajimin e materieve të mjaftueshme imunitive për t’i mbytur mikrobet. A mos jep urdhër ti për këtë operim të brendshëm, i cili i  ngjan një beteje të vërtetë vetëmbrojtëse? A mos i përcakton ti me mijëra procese biokimike që zhvillohen për çdo sekondë në trupin tënd ?

Pra, të gjitha këto i nënshtrohen vullnetit të Zotit. Ato e kryejnë misionin e tyre pa u ndalur, kurse ti nuk e heton fare këtë.

Allahu i Lartësuar ishte tejet i mëshirshëm ndaj nesh kur i krijoi të gjithë këto funksione vitale për trupin tonë dhe ua nënshtroi vetëm vullnetit të vet, përndryshe njeriu as nuk do të mund të jetonte, as nuk do të mund të punonte, as nuk do të mund të kryente misionin e tij në ndërtimin dhe rregullimin e kësaj ekzistence-gjithësie.

Po ç’do të ndodhte sikur zemra t’i nënshtrohej vullnetit tonë? Sigurisht se do të mbeteshim gjithmonë zgjuar për t’u kujdesur  që zemra jonë të rrahë normalisht.

Po t’i nënshtrohej stomaku vullnetit tonë, atëherë do të na ishin dashur shumë orë që pas çdo racioni të ushqimit ta përcjellim operacionin tretës të ushqimit. Kurse, po t’i nënshtrohej qarkullimi i gjakut vullnetit tonë, truri nuk do të mund të vazhdonte kurrsesi misionin në këtë jetë, sepse ai është i zënë dhe i preokupuar me qindra e mijëra funksione të cilat kryen çdo minutë.

Të gjithë shembujt që sollëm më sipër, njihen nga njerëzit dhe këtë Allahu i Lartësuar e ka bërë me qëllim që t’ua tërheq vërejtjen se nuk kemi subjektivitet personal, por çdo gjë është në kompetencë të Allahut të Plotfuqishëm.

Allahu i  Lartësuar thotë duke na përkujtuar vazhdimisht: “A nuk menduan ata në veten e tyre…” (Rrum, 8)

Shkëputur nga libri me titull “Kurani dhe shkenca bashkëkohore” i Ali Iljazit

Shenjat e gishtërinjve

Çdo njeri, duke përfshirë edhe binjakët që mezi dallohen nga njëri-tjetri, shenjat e tij të gishtërinjve i ka të veçanta. Identiteti i secilit është i koduar në majat e gishtërinjve të tij. Ky sistem i koduar mund të krahasohet lehtë me sistemin e kodit të vijave, i cili përdoret në ditët tona për identifikimin e prodhimeve të ndryshme, qofshin ato prodhime industriale apo ushqimore.

Allahu i Madhëruar ne Fjalën e Tij të pakonkurueshme thotë:
“A mendon njeriu se nuk do t’i mbledhim eshtrat e tij? Po, do t’i mbledhim. Madje, Ne jemi të zotë t’i krijojmë përsëri edhe majat e gishtërinjve të tij.” (Kijame, 3-4.)

Një domethënie mjaft të veçantë këtu, ka theksimi i shenjave të gishtërinjve, sepse secili ka shenjën e tij unike të gishtërinjve, e cila nuk i ngjason askujt. Çdo person që jeton apo ka jetuar në këtë botë ka formën e tij unike të shenjave të gishtërinjve. Pra, shenjat e gishtërinjve janë një provë mjaft e rëndësishme e identitetit, kjo është edhe arsyeja se përse sot shenjat e gishtërinjëve përdoren pikërisht për këtë qëllim.
Më e rëndësishmja është se kjo veçori e shenjave të gishtërinjve u zbulua vetëm në fund të shekullit XIX. Përpara kësaj periudhe, njerëzit i shihnin shenjat e gishtërinjve si disa rrathë të zakonshëm, pa ndonjë rëndësi apo kuptim specifik.

Është Kurani ai që na flet për këtë karakterisikë dalluese të shenjave të gishtërinjve, e cila nuk u kuptua, vetëm se në ditët tona .

Harun Jahja