Rruga e formimit të gurëve në veshka

Problemet e shfaqura në veshkë mund të jenë shumë të ndërlikuara sa që mund të kërkojnë edhe ndërhyrjen kirurgjikale, apo edhe transplantin e saj. Edhe shfaqja e gurëve në veshka kërkon trajtim dhe kurim.

Por, e rëndësishme është që të njihen shkaktarët e formimit të këtyre gurëve dhe të shmangen, duke ndihmuar veshkat në mirëfunksionimin e tyre. Mjekët dhe ekspertët e shëndetit këshillojnë pirjen e ujit dhe të lëngjeve, pasi janë të domosdoshme për jetën e njeriut.

Pa ujë njeriu nuk mund të jetojë. Një njeri mund të mos ushqehet gjatë shumë ditëve, por me kusht, që të pijë ujë. Marrja e ujit dhe e lëngjeve është një domosdoshmëri akoma më e madhe për ata që vuajnë nga gurët e veshkave. Trajtimi i të gjitha llojeve të sëmundjeve me gurët në veshka qëndron në marrjen e një sasie të caktuar lëngjesh. Ky trajtim bëhet në raport me llojin e gurëve. Sëmundja që shkakton prodhimin e gurëve quhet Litiazë. Në rastin e litiazes renale, gurët prodhohen nga veshkat.

Prania e gurëve shkakton kriza të dhimbshme

Në sajë të urinës, në trupin tonë eliminohen një sasi toksinash siç është ureja, acidi urik, kalciumi dhe “oxalate”-t, një nga përbërësit e urinës). Quhet “diureze” sasia e urinës së prodhuar çdo ditë. Sa më shumë pimë lëngje, aq më shumë urina është e holluar dhe në ngjyrë të çelet. Në rast të kundërt, kur lëngjet janë të pakta dhe djersitim shumë, urina bëhet më e përqendruar dhe e errët. Kur urina është shumë e koncentruar, ajo ka përmbajtje të lartë të toksinave, me prirjen për t’u kthyer në formë kristaline në nivelin e veshkës. Duke u mbledhur njëra pas tjetrës, kristalet formojnë gurët. Prania e gurëve në veshka apo në rrugët urinare quhet litiaze urinare. Prania e gurëve shkakton kriza të dhimbshme, kolikat nefrotike si pasojë e bllokimit të gurëve në ureter, një kanal i hollë që çon urinën në fshikëz. Përveç krizave të dhimbshme, litiaza mund të keqësojë gjendjen e veshkave dhe të rrugëve urinare, të cilat më vonë mund të kenë pasoja të rënda për shëndetin. Ekzistojnë shumë lloje të shfaqjes së gurëve në veshka, në varësi të natyrës kimike të toksinave apo mbetjeve në to. Këta gurë kanë karakteristikat e tyre të veçanta, gjë që lejon identifikimin e tyre.

Diagnoza dhe përbërja e gurëve

Gurët mund të përbëhen dhe nga minerale të tjera si magnez, ammonium apo fosfat. Formimi i gurëve shoqërohet dhe me praninë e një bakteri, siç mund të jetë: Klebsiella, Serratia, Proteus, Providencia species; të cilat transformojnë urenë në amonium. Me shpesh bëhet fjalë për Proteus mirabilis. Shumë persona me gurë në veshka nuk ndjejnë dhimbj. Ata e kuptojnë veçse kur shohin se kanë hematuri, pra gjak në urinë, çka është shenja kryesore e një litiaze renale. Përveç gurit që është shenja e parë dhe klinika tipike, mund të gjendet dhe prania e gjakut në urinë përmes një analize me ”letër reaktive“. Por kjo kërkon dhe analiza të tjera plotësuese, si: ekografia abdominale, e cila vëzhgon veshkat dhe kanalet urinare, ku duket një zgjerim i “pyelon“-it dhe gropës së veshkave; radiografia e thjeshtë ose me tomografi; urolografia ndër-venoze; skaneri; etj.

Simptomat e shfaqura te të sëmurët me gurë në veshka: Sistemi tretës: Anoreksi, pështjellim, të vjella. Gjaku: hemorragji si pasojë e keqfunksionimit të trombociteve

Humbja e aftësisë të veshkave për të rregulluar përqendrimin. Urinës. Anemia është pasojë e mosprodhimit të eritropoetinë. Djersitje e vazhdueshme. Fryrje e trupit

Ethe. Dobësi. Urinë e turbullt me erë të keqe. Temperaturë.

Gurët në veshka nuk janë gjithmonë të trashëguar

Specialistët që merren me sëmundjet e veshkave, deklarojnë se shfaqja e shqetësimeve nuk është gjithmonë e trashëguar. Madje ata kanë vënë re se pjesa më e madhe e personave që kanë probleme me veshkat dhe kryesisht me gurët në veshka, vijnë nga prindër që kurrë nuk i kanë ndjerë shqetësimet, madje pavarësisht moshës në të cilën ndodhen, veshkën e kanë organin më të shëndetshëm. Ajo çfarë specialistët u rekomandojnë të gjithë prindërve, në këtë rast është një dietë e ekuilibruar që në ditët e para të lindjes së fëmijës, madje ajo duhet të nisë që në barkun e nënës. Pikërisht në këtë kohë nis edhe dëshira e fëmijës për kripë, lëngje, ëmbëlsira etj. Nisur nga kjo, specialistët e nefrologjisë (mjekë të sëmundjes së veshkave), rekomandojnë që në ushqimin e përditshëm të ketë sa më shumë lëngje, supëra dhe fruta.

Nevojat për kalcium dhe formimi i gurëve

Një sasi e pamjaftueshme e kalciumit favorizon krijimin e gurëve oxalo-kalcikë, prandaj lind nevoja e një ushqimi të ekilibruar. Nëse një person merr shumë kalcium, kjo lëndë do të jetë me shumicë në urinë, çka sjell formimin e gurëve oxalatë të kalciumit. Nga ana tjetër duhet konsumuar shumë kalcium për të penguar absorbimin nga zorrët të oxalatës. Pra pengohet që të gjenden në urinë shumë oxalatë, çka do të shkaktonte krijimin e gurëve të oxalate-kalciumit. Edhe tepria në të ushqyer mund të shkaktojë në vetvete një gur kalcik, duke shtuar absorbimin e kalciumit nga zorrët. Megjithatë, me shpesh ato veçse favorizojnë shfaqjen e një litiaze të personat e predispozuar. Duke qenë se ushqehen njëlloj, 10 për qind e popullsisë perëndimore janë të prekur nga litiaza.

Dieta për personat që vuajnë nga gurët ne veshka

Pas përcaktimit të saktë të diagnozës së gurëve në veshka, i sëmuri trajtohet me analgjezikë të lehtë dhe anisperistatike me efekt jo të fortë. Atij i jepen lëngje të ngrohta dhe i rekomandohet bërja e banjave në vaske me ujë të vaket. Uji i ngrohtë çliron tek ai i sëmuri rrugët urinare. Për të lehtësuar dhimbjet përdoren disa lloj ilaçesh, të cilat jepem vetëm me rekomandimin e mjekut. Sidoqoftë është e këshillueshme që pas çdo urinimi të shoqëruar me gjak të përdoren dizinfektantë gjatë një jave. Po kështu rekomandohen ushqime të lehta, supa me zarzavate, lëngje frutash, çajra të ndryshme, etj. por njëkohësisht duhet që i sëmuri të lëvizë. Pacientët që kalojnë një kolike renale është mirë të bëjnë vazhdimisht analiza të urinës.

Faktorët që ndikojnë në formimin e gurëve në veshka

Guri në veshkë është një masë e fortë, që ndodh kur përbërësit e kalciumit ose kimikate të tjera në urinë, formojnë kristale që ngjiten së bashku. Këto kristale, rriten dhe formojnë gurë, të cilët luhaten nga një kokërr gruri në një top golfi. Disa milionë amerikanë, shumica mes moshës 20 dhe 40, trajtohen çdo vit për gurë në veshka. Gurët në veshka janë më të zakonshme tek burrat, dhe më saktësisht, katër në pesë raste, kanë gurë në veshka. Normalisht, urina përmban substanca që parandalojnë formimin e kristaleve. Megjithatë, kjo nuk funksionon për të gjithë. Disa nga faktorët që kontribuojnë në formimin e gurëve tek njerëzit e prekshëm janë: marrja e pakët e lëngjeve, infeksione kronike në rrugët urinare, keqpërdorim i disa mjekimeve, bllokim i rrugëve urinare, etj.

Efektet e bananes mbi shëndetin tuaj

Banania eshte nje frut tropikal qe ka veti shume te mira medicinale. Bananet ulin stresin, tensionet premenstruale, presionin e larte arterial etj. Eshte nje frut qe ka permbajtje shume te larte vitaminash dhe eshte shume benefitare nese e perfshini ne dieten tuaj. Ky frut ju jep edhe nje sasi te mire te sheqerit nese niveli juaj eshte i ulet per momentin.

Indeksi glicemik
1. Indeksi glicemik GI, mat ate se cfare i ndodhe sheqerit pasi hani dicka. Eshte krijuar qe te ndihmoje njerezit te mbajne nivelin e sheqerit te tyre ne gjak nen kontroll, sidomos per njerezit me diabet. Nje sasi e ulet e GI eshte nen 55, je norme mesatare eshte 56 dhe 69 dhe nje norme e larte eshte mbi 70. Bananet kane nje GI te ulet prej 51,keshtu ngrenia e bananeve jep energji te shpejte dhe mire.

Bananet dhe niveli i sheqerit
2. Bananet ne menyre te natyreshme e ngrene nivelin e sheqerit ne gjak dhe jane edhe shume te mira per te ulur nauzene e mengjesit. Ato jane shume te mira per tu perdorur pas nje nate qe keni pire shume, te perzjera me pak mjalte dhe me qumesht. Nese hani dy banane perpara se te sterviteni ne palester do tu jape aq energji sa per ta perballuar ate me shume sukses. Bananet permbajne tre lloje te sheqerit natyral: sakaroze, fruktoze dhe glukoze.

Vitaminat qe permbajne bananet
3. Bananet kane vecanerisht sasi te larte te vitaminave B dhe keshtu kane shume shume benefite. Vitamina B6 do te ndihmoje ata qe vuajne nga diabeti, dhe do te rrelgulloje humorin. Nese jeni duke u perpjekur te lini duhanin, bananet mund tu ndihmojne pasi permbajne nivele te larta te Vitamines C, A1, B6, B12 si dhe kalium dhe magnez, keto minerale dhe vitamina do te ndihmojne trupin te kaloje me me lehtesi largimin e nikotines nga trupi. Nese jeni nervoz, vitaminat B ne kete frut do tu ndihmojne te qetesoheni.

Bananet dhe humori
4. Bananet permbajne triptofan, nje lloj aminoacidi qe konvertohet ne serotonine, duke dhene nje efekt qetesues. Perdorimi i bananeve ne menyre te rregullt do te ndihmoje ata persona qe vuajne nga depresioni.

5 metodat që të shëroheni shpejt dhe në mënyrë të efektshme nga hunda e bllokuar?

1. Perdorni nje lageshtues per ajrin nderkohe qe jeni duke fjetur. Sistemet e ngrohjes ose te ftohjes, mund te thajne ajrin duke perkeqesuar simptomat e bllokimit.

2. Pini te pakten 8 gota uji cdo dite. Uji do te mbaje indet e hundes tuaj te lageshta, gje e cila do te pershpejtoje sherimin.

3. Qendroni dy deri ne tre here mbi avull. Hapni dushin dhe rrini aty, duke marre fryme ne avull, deri ne 15 minuta cdo here.

4. Hidhni solucion fiziologjik ne hunden tuaj. Kete solucion mund ta blini ne farmaci ose mund ta beni vete ne shtepi. Vendoseni koken mbi lavaman dhe hidhni kete solucion ne kanalin e hundes duke perdorur nje shiringe. Solucioni do te ndihmoje ne zbutjen e mukusit.

5. Me pas shfryni hundet tuaja ne nje facolete duke pasur kujdes qe ky veprim mos te ndikoje ne veshet tuaj.

Mana ushqimi që përmendet në Kuran i cili është shumë e shëndetshme

Në një tubim ku Hoxha i nderuar Jakup Hasipi (r.a.) bënte komentimin e Kur’anit filloi poashtu të komentojë Suren El Bekare dhe te ky ajet filloi të përshkruajë mirësitë e All-llahut azze we xhel që ju dha në atë kohë Musait alejhi selam dhe popullit të tij. Gjatë përshkrimit tha se Mana – rrëshira është dhunti e Zotit dhe se është diçka shumë e shijshme dhe nuk mundet të përshkruhet me fjalë. Këtë e kishin si ushqim Musai alejhi selam dhe populli i tij për 40 vite me radhë. Atyre ju vinte për çdo ditë e freskët si dhe thëllëzat të cilat gjinden vetëm në Kodrën e Sinait ( sipas disa transmetimeve sot e kësaj dite ekziston një numër i vogël i këtyre thëllëzave ).

Për mos e zgjatur më tepër kalojmë në temën për të cilën momentalisht dëshirojmë të përqendrohemi se çka është Mana, ku gjendet dhe çfarë veprimesh ka Mana apo Shkurtëza si quhet nëpër disa vende. Fillojmë shkrimin duke e lutur All-llahun e Madhërishëm të na ndihmojë që kjo vepër të jetë vetëm për hir të Tij, dhe nëse kemi qëlluar diçka atëherë është vetëm dhunti e Tij e nëse kemi gabuar është prej meje dhe e lus Falësin që të më falë gabimet.
Në Kur’anit Kerim citojmë fjalët e të Lartëmadhëruarit mbi Musain alejhi selam dhe ajetet ku përmenden Manat :

‘’ Pastaj bëmë që retë t’ju bënin hije dhe ju zbritëm manën dhe thëllëza, duke thënë: “Hani nga ushqimet e mira, që ju kemi dhënë!” (Ata nuk ishin mirënjohës dhe kështu) nuk na bënë keq Neve, por i bënë keq vetes’’. {Bekare.57}.
‘’ Ne i ndamë hebrenjtë në dymbëdhjetë fise, secili komb më vete. Kur populli i tij i kërkoi ujë, Ne i kumtuam Musait: “Bjeri me shkopin tënd shkëmbit!” dhe prej tij shpërthyen dymbëdhjetë burime. Çdo fis e dinte burimin e vet. Dhe Ne u bëmë hije me retë dhe u zbritëm manën dhe thëllëza, duke iu thënë: “Hani ushqimet e mira që jua kemi dhënë!” Ata nuk na dëmtuan Neve, por i bënë dëm vetvetes’’. {A’raf.160}.
‘’ O bijtë e Izraelit, Ne ju shpëtuam nga armiku juaj, bëmë besëlidhje me ju në anën e djathtë të Turit dhe ju zbritëm manë dhe thëllëza’’. {Ta Ha, 80}.
Pra në Kur’anin Fisnik tregohet shumë bukur se çfarë të mirash ju dha All-llahu azze we xhel bijve të Israilit ( ashtu quhej Jakubi alejhi selam- Israil).
Mana ishte ushqimi të cilën e dërgonte i Madhëruari për çdo ditë në tokë për miliona njerëz që ishin duke u larguar prej Egjiptit përgjatë Kodrës së Sinasë së bashku me Musain alejhi selam nga torturat e Faraonit dhe jeta e dhunshme nën sundimin e tij.
Musai alejhi selam u largua nga Egjipti dhe ishte duke kaluar nëpër Kodrën e Sinasë me popullin e tij. Ata ishin miliona në numër dhe ushqimi i tyre nuk u mjaftonte në asnjë mënyrë për të mbijetuar atëherë iu drejtuan Musait se çka duhet bërë dhe kërkuan që ai t’i lutet Zotit të tij . Në atë lutje të Musait alejhi selam All-llahu azze we xhel i premtoi për ushqim dhe ju dërgon në vendin ku ishin duke pushuar në shkretëtirë thëllëza të cilat ishin tubuar rreth e përqark vendit ku qëndronin në pushim. Musai alejhi selam u tha se tani do të munden të hanë dhe të mos brengosen se do të vdesin për ushqim, pasi se All-llahu do t’i ushqejë për çdo ditë me ushqim që deri sot as që kishin shijuar.
Ashtu edhe ndodhi, në mbrëmjekonsumuan nga thëllëzat e dërguara posaqërishtë për ta nga lloji më i mirë i thëllëzave që ekzistojnë. Sipas disa të dhënave sot e kësaj dite ka lloje të thëllëzave të cilat fluturojnë gjatë pranverës dhe verës përgjatë Evropës kurse para se të vdesin kthehen prapë në Kodrën e Sinasë dhe aty përfundojnë jetën. Sidoqoftë ato thëllëza ishin shumë të shijshme dhe me bollëk për të gjithë.
Të nesërmen me të gdhirë ata u befasuan nga prania e ushqimit në tokë apo shkretëtirë, rrëshirë e dërguar prej All-llahut azze we xhel, dhe në disa vende quhet rrëshira si ‘’Ushqimi prej qiellit’’. Ajo përshkruhej sikur diçka shumë e shijshme, e ëmbël, e lezetshme në shije dhe e pjekur, më e ëmbël se mjalti ose sikur më e mira ëmbëlsirë me mjaltë. Ajo ju zbriste popullit të Musait alejhi selam natën sikur vesa në mëngjes prej qiellit në tokën shkretëtinore dhe njerëzit në mëngjes e mblidhnin prej tokës.
- Nga kjo edhe rrjedh fjala Mana – ‘’Man-hu’’ që donë të thotë prej hebraishtes e përkthyer ‘’Çka është kjo“ ?
- Ose sipas disa thënieve tjera Man – d.m.th ‘’Çka është’’?
- Por më e sigurte është thënia tjetër për këtë emër MANAN që d.m.th. të ndahet, dhunti, dhunti e cila ndahet.
- Në disa transmetime Mana quhet edhe si “shiu i artë i qiellit”
- Buka ose ushqimi prej qiellit
Pasi njerëzit u çuditën kur u zgjuan në mëngjes dhe gjetën këtë dhunti të Zotit të shpërndarë nëpër tokën shkretëtinore. Ajo përshkruhet sikur diçka e vogël dhe e rrumbullakët, njëjtë sikur bryma- vesa e mëngjesit në tokë dhe sikur farat e koriandrit, ngjyrë kafeje të çelët dhe në shije sikur ëmbëlsirë me mjaltë. Ishte e mundur të përdoret në mënyra të ndryshme: për zierje, për shtypje dhe për ngrënie pa përgatitje ashtu siç donin vetë.
Mana ishte e ardhur në mënyrë speciale për popullin e Musait alejhi selam në shkretëtirë prej All-llahut azze we xhel dhunti prej Tij por edhe sprovë për popullin e Musait alejhi selam.
Kështu përshkruhet në disa vende:
Mana arrinte në tokë me anë të vesës dhe mbetej aty nëpër vendet e caktuara më pas mblidhej dhe përdorej për ushqim. Mirëpo ajo Mana që në atë kohë ka zbritur prej qiellit ka dallim të madhë nga Mana që gjendet në Evropë e cila më së tepërmi gjendet në Kalabri dhe Sicili. Kjo Manë derdhet në muajin Qershor dhe Korrik nga disa trungje të vegjël sikur që janë emrat latin: Fraxinus Ornus, Hedysarum Alhagi, Tamarix mannifera. Edhe te këto vjen deri te formimi i disa pikave të lëngshme natën kurse në mëngjes forcohen. Pamja e tyre shihet në këtë foton më poshtë.
Sot e kësaj dite, në gjysmën e Kodrës Sinai nëpër lugina ku janë më të lagështa dhe ku ka ujë në masa më të mëdha gjendet edhe mëtej Mana për të cilën mendohen që është e ngjashme me Manën që zbriti në kohën e Musait alejhi selam por me numër shumë të vogël që karakterizohen me disa trupa të vegjël të pemëve “Mana Tamariske” (Tamarix mannifera), ose El-tarfah siq e quajnë arabët.
Me këtë lloj ushqimi u ushqyen 40 vjet për çdo paradite, kurse në mbrëmje kishin thëllëzat për ngrënie. Por një ishte shumë e qartë e për atë edhe ishin të informuar nga Musai alejhi selam se ata ishin të lejuar të ushqeheshin për tërë ditën dhe të ngopen sa të duan por nuk guxojnë që të mbledhin për më vonë ose të lënë diçka anash.
Por pasi se ky popull ishte jo shumë besimtar siç duhej, ata edhe filluan të frikohen se çfarë do të bënin nëse nuk do të kenë më tutje për ushqim edhe pse ishte një premtim prej All-llahut azze we xhel, kurse All-llahu siç e dimë nuk e thyen premtimin asnjëherë. Pra shumica e tyre filluan tinëzisht të merrnin rezerva dhe i lenin anash për të nesërmen. Por nuk ka asgjë që mund ti ikë All-llahut, Vigjiluesit i Cili sheh dhe vëzhgon çdo gjë. Kjo pra ishte pika e dobët e tyre, por befasia ishte shumë e madhe pasi se ata kur ngriheshin në mëngjes i gjithë ushqimi që kishin lënë anash ishte prishur dhe ishte shëndrruar në krimba, por ata nuk bindeshin në këtë premtim të All-llahut se do të kenë mjaft dhe përherë, derisa ata vetë e kaluan kufirin.
‘’Hani nga ushqimet e shijshme e të lejuara me të cilat ju kemi furnizuar dhe mos e kapërceni kufirin, përndryshe do t’ju zërë zemërimi Im. Ai, të cilin e zë zemërimi Im, është i humbur! {Ta Ha, 81}.
Sa i përket asaj që ka thënë i Dërguari i All-llahut , salAllahu alejhi we selam, se kërpudhat janë nga Mana, duhet thënë se përdorimi i fjalës Mana ka dy shpjegime të mundshme: kjo mund të tregojë ushqimin, të cilin All-llahu i Gjithëfuqishëm e ka siguruar për biijtë e Israelit në shkretëtirë, mirëpo këtu fjala Mana në arabisht nuk përdoret si emër për të treguar ëmbëlsirat e zakonshme të njohura si Mana´(arab. man), por, në vend të kësaj, si folje kalimtare që do të thotë dhurim. Në këtë kuptim nuk ka kurrfarë dyshimi që dhuratat (dhuntitë, begatitë) materiale dhe shpirtërore dhe ndihma e All-llahut të Gjithëfuqishëm që u është dhuruar bijve të Israelit kanë qenë të shumta.
Ai i krijoi dhe e furnizoi popullin me to pa i mbjellur, pa mundë dhe pa punë, pra pa pasur nevojë për të lëruar ose ujitur tokën. Këto janë dobitë dhe begatitë e All-llahut të Madhërishëm. Sa i përket dhuratës në formë ushqimi të All-llahut për bijtë e Israelit, ai i furnizoi ata edhe me kërpudhat tuberoze për këtë qëllim, si ushqim më të përkryer, dhe i bëri ato në vend të bukës së tyre, ndërsa shkurtëzat kanë qenë mishi i tyre që e kanë kërkuar, dhe lëngu bimor (arab. tall; turunxhubin; nasg) u ka dhënë energjinë e duhur. Lëngun bimor që e kanë pirë ka qenë i përgatitur, i lejuar dhe i ëmbël, të cilin e nxirrnin nga drurët e shkretëtirës dhe ai përbënte një ushqim vital për jetën, shëndetin dhe ekzistencën e tyre. Prandaj, vetëm me këto begati dhe dhurata të All-llahut, në mes të shumë të tjerave, ata kishin mundësi të kënaqnin dëshirën e tyre për mish dhe të mbijetonin kalimin nëpër shkretëtirë. Tërë këtë e arritën me lejen e All-llahut.
Ky ishte ushqimi i premtuar dhe i dërguar prej All-llahut azze we xhel për çdo ditë 40 vite me radhë, për miliona njerëz. Ushqeheshin pa asnjë lloj mundimi me një ushqim që pra nuk mundet as të paramendohet për nga shija dhe mirësia. Por pasi populli i Musait alejhi selam kishte besim jo të sinqertë u ndalua kjo mirësi e All-llahut azze we xhel pasi se ata e përbuzën. Sa i përket rrëshirës së ëmbël natyrore (arab. turunxhubin), ajo është forma tjetër e Manës. Kjo është e bardhë, pluhur dhe ushqim i mirë, i cili kishte zbritur nga qielli, që ishte shpëtim mrekullibërës nga uria.
Ajo që dihet sot, është se Mana, pra që ka qenë atëherë dhe nga ajo që gjendet sot: se ka efekt purgativ , antipiretik , analgjetik, kundër anemisë dhe arteriosklerozës dhe edhe shumë sëmundje tjera. Por pasi se nuk gjendet lehtë dhe edhe nëse gjendet është në masa shumë të vogla nga ajo që i nevojitet trupit, nuk jemi ndalur aq shumë në këtë kërkim të mëtutjeshëm të dobive shëndetësore.
All-llahu teala ealem.
Literatura e përdorur:
1. Kur’ani përkthim nga Hasan Nahi
2. Enciklopedia e bimëve shëruese
3. Heilpflanzen ( bimët shëruese ) M. Pahlow
4. Mjekësia e të Dërguarit Muhammed – Ibn Kajjim el- Xhevzi- përkthim nga Prim.Dr. Med. Sci. Ali Iljazi
5. Faqe të ndryshme të internetit
6. Tekste nga Bibla dhe Teurati i sotshëm
Përgatiti dhe përshtati: Suzana Hasani

Luleshtrydhe dhe kastravecë për të parandaluar sëmundjen e Alzheimer

Ashtu siç është këshilluar nga një studim i fundit, disa substanca te frutat dhe perimet dhe më konkretisht te luleshtrydhet dhe kastravecët mund të reagojnë kundër humbjes së kujtesës dhe të sëmundjes Alzheimer.
Në studimin e ri të publikuar në revistën shkencore Aging Cell thuhet se frutat dhe perimet dhe veçanërisht luleshtrydhet, boronica dhe kastravecët, ndihmojnë kundër humbjes së kujtesës që manifestohet te pacientët e prekur nga dementia dhe sëmundja e Alzheimer. Shkak për këtë studim u bë një substancë e gjetur te bimët, që vepron kundër humbjes së kujtesës dhe dëmtimeve konjiktive në kafshët e përdorura për këtë studim, i kryer nga hulumtuesit e Institutit Salk për Studimet Biologjike në Kaliforni.

Kërkuesit, duke i injektuar një grupi minjsh me simptomat e Alzheimer një dozë ditore prej Fisetine, një flavanol natyral e familjes flavonoide, kanë zbuluar se kjo substancë ka penguar përkeqësimin e kujtesës dhe të të mësuarit.

Megjithatë substanca e injektuar nuk ka ndryshuar formimin e pllakave amiloide në tru, d.m.th ato substanca që “akuzohen” si një rrënja biologjike e sëmundjes Alzheimer. Pavarësisht kësaj, rezultatet e studimit sugjerojnë që për trajtimin e sëmundjes Alzheimer mund të ndërhyhet pa marrë parasysh praninë e pllakave amiloide.

“Ne e kishim treguar edhe më parë që te kafshët normale, fiestina mund të përmirësojë kujtesën. Por në këtë studim, ne kemi demonstruar gjithashtu se ajo mund të ketë një efekt edhe te kafshët që janë të rrezikuara nga sëmundja Alzheimer”, shpjegon doktoresha Pamela Maher, autorja kryesore e studimit. Studiuesja i referohet një studimi të kryer më shumë se dhjetë vjet më parë, nëpërmjet të cilit kishte zbuluar se fisetina ndihmon në mbrojtjen e neuroneve të trurit nga efektet e plakjes. Maher dhe kolegët e saj nëpërmjet metodës laboratorike edhe asaj eksperimentale te kafshët kanë gjetur se, përbërësi ka efekte jo vetëm antioksidante por edhe antiinflamatore te qelizat e trurit.

“Ajo që ne kuptuam është që fisetina ka një lloj të madh proteinash, të cilat nëse i marrin, mund të jenë të dobishme edhe në rastin e sëmundjes Alzheimer. Ndërkohë, në momentin e eksperimentimit te kafshët, edhe pse sëmundja përkeqësohej, fisetina ishte në gjendje që të vijonte të parandalonte sëmundjen”, përfundon Maher.

Sëmundja e Alzheimerit

Alzheimer është forma më e zakonshme e dementias. Kjo sëmundje e pakurueshme u përshkrua për herë të parë nga psikiatri dhe neuropatologu gjerman Alois Alzheimer më 1906 dhe kësisoj sëmundja u emërtua sipas tij. Zakonisht diagnostikohet te personat mbi moshën 65 vjeç, ndonëse shenjat e para të tij mund të shfaqen shumë parë. Më 2006, kishte 26,6 milionë persona të prekur në të gjithë botën. Parashikohet që në 2050-n, 1 në 85 veta të jenë të prekur nga kjo sëmundje. Ndonëse secili rast i Alzheimerit është unik për çdo individ, ka shumë simptoma të përbashkëta. Simptomat më të hershme të vëzhguara shpesh ngatërrohen si probleme të lidhura me moshën, ose manifestime të stresit. Në periudhat e hershme, simptoma më e njohur është paaftësia për të mbajtur mend kujtime të reja, si p.sh vështirësia për të mbajtur mend fakte të vëzhguara në kohët e fundit. Kur mjeku ose infermieri lajmërohen, dhe sëmundja dyshohet, diagnoza shpesh konfirmohet me teste konjitive dhe vlerësime të sjelljes dhe pastaj kryhet një skanim i trurit.

Kur sëmundja përparon, simptomat përfshijnë ngatërresën, acarim dhe agresion, ndryshim humori, përçartje fjalësh, humbje të kujtesës afatgjatë dhe humbje të aftësisë së shqisave.

Më pak se 3 për qind e individëve jetojnë më shumë se 14 vjet pas diagnozës.

Vaji i bajames mbron lëkurën e fëmijëve

Vaji i pastër i bajameve është një mbrojtës ideal për lëkurën fëmijëve, pasi përveç që ul pezmatimin, ai e ushqen dhe zbutë lëkurën.

Duke marrë parasysh faktin se deri në 60 për qind e gjithë asaj të cilën e vendosim në lëkurë arrin të depërtojë në organizëm, është e kuptueshme se duhet të kujdesemi më tepër për veten dhe për më të dashurit tonë edhe sa i takon lëkurës.
Kur është fjala për preparatet natyrore për foshnja, është me rëndësi të thuhet se një shishe me vaj bajameje të pastër, të ftohtë, të pa rafinuar, nganjëherë është shumë më e dobishme se losionet më të shtrenjta.
Bajamja e ëmbël (Prunus amygdalus) është bimë mesdhetare nga frutat e të cilës prodhohet vaji me ngjyrë të verdhë dhe me aromë të këndshme, i cili shfrytëzohet në kozmetikë, për të rritur dhe për fëmijë.
Përdorimi i vajit të bajames ka disa efekte të dobishme për lëkurën:

• Qetëson inflamacionin, mjekon lëkurën e ngacmuar, skuqjen nga pelenat etj.
• Është e pasur me vitamina të cilat e ruajnë shëndetin e lëkurës
• Si edhe vajrat tjerë natyror, vaji i bajames thithet mirë nga lëkura dhe merr pjesë në ndërtimin e strukturës së saj
• Ushqen lëkurën
• Është i ngjashëm me sebumin (yndyrën) e lëkurës
• Është e pasur me acide esenciale yndyrore të cilat kanë efekt kundër ndezjes dhe ruajnë strukturën e membranave qelizore
• E bën lëkurën të lëmuar
• Nuk përmban përbërës shtesë të dëmshëm (të cilët zakonisht shkaktojnë alergji)
• Nuk është toksike as për trupin e as për rrethin.

Shenjat e helmimit të fëmijëve me ushqim

Nëse keni imunitet të dobët, helmimi nga ushqimi mund t’ua rrezikojë jetën. Asnjë lloj ushqimi nuk është i sigurt, madje edhe sallata e gjelbër më e thjeshtë.

Shkencëtarët kanë dëshmuar se gjatë helmimit me ushqim nuk duhet të fajësohet ushqimi i fundit që keni ngrënë. Shenjat e helmimit me ushqim mund të paraqiten edhe 72 orë pas konsumimit të ushqimit të kontaminuar.
Fëmijët e vegjël janë më të ndjeshëm ndaj këtij problemi, por edhe shtatzënat dhe njerëzit me imunitet të dobët, tek të cilët madje edhe helmimi i parrezikshëm në pamje të parë, mund të jetë fatal.
Krahas viruseve dhe baktereve, arsyet e helmimit me ushqim mund të jenë edhe parazitët, për shembull, Entoameba histolytica. Me këtë më së shpeshti është e kontaminuar sallata e gjelbër.
Thirreni ndihmën e shpejtë nëse:

• keni simptoma të dehidrimit më serioz – urinim i dobët, sy të ndezur pa lot, gojë dhe gjuhë të tharë, frymëmarrje të përshpejtuar dhe rrahje më të shpeshta të zemrës.
• vështirë përtypni, flisni dhe merrni frymë, keni pamje të turbulluar, lodhje në muskuj dhe paralizë, veçanërisht pas konsumimit të ushqimit të konservuar ose të detit, por mund të keni edhe helmime nga kërpudhat.

Drejtohuni tek mjeku nëse dalloni këto shenja:

• temperaturë më të lartë se 37.7 gradë Celsius;
• vjellje në sasi të madhe, saqë nuk mund të ruani asnjë lëng më të vogël, ose nëse kjo edhe pse është e paktë, por zgjat më shumë se një ditë;
• dhimbje të vazhdueshme në një pjesë të lukthit;
• diarre të fuqishme e cila zgjat 2-3 ditë ose diarre me gjakderdhje.

Masazhoni fëmijët tuaj, është shumë e shëndetshme për ta!

Masazhimi i të sapolindurve është një praktikë mjaft e mirë shëndetësore jo vetëm për ta, por edhe për prindërit e tyre. Masazhi u fal të dyja palëve një eksperiencë emocionale shumë të mirë dhe jo vetëm…

Masazhimi i të sapolindurve dhe i fëmijëve është një praktikë që po përhapet gjithnjë e më shumë, sepse ajo përfaqëson një mënyrë riforcimi të ndjenjave emocionale dhe fizike, shumë të rëndësishme për ta. Masazhet nuk shërbejnë më shumë për lehtësimin e tensioneve sesa shërbejnë për krijimin e emocioneve, për një mbështetje dhe një kontakt lëkurë-lëkurë. Gjithashtu, masazhet e ndihmojnë fëmijën të ketë një perceptim të caktuar për trupin e tij dhe padyshim ato i sjellin çlodhje atij. Fëmijën tuaj mund të filloni ta masazhoni 3-4 javë pas lindjes. Zbuloni me ne masazhet për të sapolindurit, të lehta për t’u bërë në shtëpi.
Momenti i masazhit për beben tuaj
Masazhimi i një fëmije është një moment qetësues si për fëmijën ashtu edhe për prindërit: bëhet fjalë për një “kontakt”, i cili forcon lidhjet emocionale dhe jo vetëm. Masazhi “rizgjon” ndjesi të tjera, si dëgjimin, nuhatjen, shikimin. Fëmijët e vegjël i duan ritualet, ndaj këshillohet që atyre t’u bëhet masazh pas banjës, edhe pse në fakt çdo rast është i mirë për ta bërë këtë gjë, për shembull kur i ndërron pelenën apo kur e vesh.
Çfarë kremi dhe çfarë vaji duhet të përdorni?
Në ditët e sotme është e vështirë të zgjedhësh një krem të duhur për kujdesin e lëkurës së të sapolindurit, pasi ajo ka tendencë të thahet duke qenë se është në kontakt të vazhdueshëm me ujin. Këshillohet që për masazhet të përdorni një vaj vegjetal natyral si ai i bajameve të ëmbla ose të susamit, të cilët janë shumë ushqyes. Mos aplikoni vajra esencialë, qoftë edhe në sasi të vogla, pasi ato janë toksike kur absorbohen nga lëkura delikate dhe të ndjeshme si ajo e fëmijës.
Përgatitja për masazh
Masazhin fillojeni nga fytyra, sepse fëmija ju sheh dhe ju dëgjon. Shtrijeni fëmijën, të zhveshur, në shpinë mbi krevat, tryezë ose përtokë dhe poshtë kurrizit vendosi një peshqir të pastër. Bëni kujdes me temperaturën e dhomës: ideale do të ishte 24 gradë Celsius. Gjithashtu duhet të keni parasysh të kuptoni se në cilën pjesë të trupit fëmija preferon të masazhohet në fillim. Mos harroni se masazhet duhet ta ndihmojnë atë të qetësohet, ndaj është e dobishme të mos insistoni nëse nuk është i gatshëm.
Fytyra dhe koka
Nëse vendosni që masazhin ta filloni nga koka atëherë filloni me përkëdheljet mbi faqe dhe më pas gradualisht drejt veshëve, duke ndjekur kockat e faqes. Më pas shkoni poshtë drejt nofullës deri në mjekër me lëvizje të vogla rrethore. Ringjitu drejt hundës dhe ballit. Këtë të fundit masazhoje ëmbëlsisht, nga qendra drejt tëmthave ose e kundërta. Është shumë e rëndësishme që mos të harroni ta shihni fëmijën në sy dhe të buzëqeshni gjatë masazhit. Ky është një moment komunikimi shumë i veçantë.
Masazhi i skajeve
Mund të filloni si nga duart ashtu edhe nga krahët, po ashtu nga këmbët dhe kofshët. Përkëdhelini shpatullat dhe krahët për të zbritur më pas deri te duart. Bëni të njëjtën gjë edhe me këmbët. Sa herë që i masazhoni shpatullat fëmijës lëvizi atij edhe krahët, duke i kryqëzuar një herë nga një anë dhe një herë nga ana tjetër. Ndaloni për një kohë të gjatë te duart dhe te këmbët për t’i tërhequr një e nga një gishtat e tij, pasi ato konsiderohen si zona trupore të pasura me “fije” nervore.
Masazhi në bark
Barku është një nga pikat të cilën e masazhojmë më shpesh, sepse të sapolindurit vuajnë nga dhimbjet e barkut dhe nga mostretja. Këshillohet që barkun e fëmijës duhet ta fërkoni lehtësisht, po ashtu edhe brinjët.
Masazhi në shpinë
Për ta praktikuar sa më mirë masazhin shtrijeni fëmijën me bark para jush apo mbi barkun tuaj; filloni me përkëdhelje nga lart-poshtë, duke përfunduar te këmbët. Vazhdoni të bëni lëvizje rrethore në shtyllën kurrizore, mbi të cilën nuk duhet të ushtroni kurrë presion.
Tendosjet
Tendosjet janë një plotësues i shkëlqyer për masazhet e të sapolindurve, sepse stimulojnë fleksibilitetin dhe hapjen e kyçeve. Mund t’i bëni në çdo moment të ditës, kur fëmija është i qetë dhe i mirëpërgatitur. Tendosjet duhet të kryhen me kujdes maksimal për të ruajtur kufijtë e elasticitetit të fëmijës.
Filloni të masazhoni beben në një kohë kur është i qetë, por jo shumë përgjumësh. Sigurohuni që dhoma të ketë një temperaturë të mirë. Përdorni një vaj masazhi delikat, fërkojeni stomakun e fëmijës suaj, kraharorin, kokën, krahët dhe këmbët. Përdorni lëvizje delikate, por të sakta. Nëse fëmija shqetësohet, me siguri do të thotë që kaq masazhim është i mjaftueshëm.

Kujdes me qumështin e fëmijëve, ja se cfarë qumështi duhët t'i jepni!

Qumështi i pazier dhe i cili nuk ka qenë i pasterizuar ose homogjenizuar, mund të përmbajë mikrobe të rrezikshme.

Akademia Amerikane e Pediatërve ofron këto rekomandime për prindërit:

• Kurrë mos i jepni fëmijëve qumësht të pazier ose produkte qumështi të cilat janë të përbëra nga qumështi i pazier.
• Kontrolloni etiketat e produkteve, për t’u siguruar se qumështi që blini ju është i pasterizuar.
• Mbani produktet e pasterizuara të qumështit në frigorifer në një temperaturë prej 4 gradë Celsius ose më poshtë.
• Hidhni çdo produkt të qumështit, me datë të skaduar.

Ja se cilat janë Çajrat dobësues, një ndihmë natyrale për të humbur peshë

Shpesh natyra vjen ne ndihme për kujdesin e trupit tone, edhe për problemet e linjës. Përdorimi i cajrave dobësues mund te jete një ndihme shume e mire për tja bashkangjitur një programi me komplet për humbjen e peshës ku sigurisht nuk mund te mungoje dhe aktiviteti fizik, gjë qe rrit metabolizmin. Nëse problemi kryesor nuk është përmbajtja hidrike, me mire nëse zgjidhni produkte qe reagojnë ne drejtime për te reduktuar thithjen e yndyrave apo shkrirjen korrekte te sheqernave, te cilat kontribuojnë ne akumulimin e shtimit te peshës. Për te përgatitur cajrat dobesues ne shtëpi është shume e thjeshte, nuk shërbejnë istrumenta te veçanta.

Çaj me fucus (lloj alge) dhe qershi

Për te djegur yndyrat, ky çaj është një aleat shume i vlefshëm. Fucus, një alge shume e fuqishme, djeg yndyrat dhe i bashkuar me qershinë bën një miks te këndshëm për një pije gjate ditës

- 50 gr fucus

- 20 gr gjethe qershie

- 20 gr betulla (lloj bime e familjes Betulacee, Betula, Linnaeus)

Përziejini te gjitha, ngrohni ujin me përbërësit, pasi te kenë zier lëreni për 5 minuta, kullojeni dhe piheni. Ëmbëlsojeni me mjaltë nëse keni dëshirë.

Çaji jeshil dhe qitro i kuq

Mes vlerave te çajit jeshil, është dhe reduktimi i thithjes se yndyrave, nëse e bashkojmë me xenxifillin dhe qitron, stimuloni me shume efektin dhe përfitoni një çaj perfekt si te ngrohte ashtu dhe te ftohte.

- 60 gr gjethe çaj jeshil

- 20 gr xenxifill pluhur

- 20 gr lëkure qitro te kuq

Përziejini se bashku dhe ziejini duke miksuar përbërësit, lëreni përbërjen për 10 minuta, kullojini dhe piheni. Ky çaj mund te pihet i ngrohte për ne dimër dhe i ftohte për ne vere.

Çaj me xenxifill dhe limon (pikant)

Një çaj tjetër qe djeg yndyrat dhe stimulon metabolizmin, i shkëlqyer mes çajrave dobësues është dhe një antibakterial i fuqishëm, bashkimi i xenxifillit me limonin. Ka një shije qe nuk i pëlqen te gjithëve

- 3 feta xenxifill te freskët

- 1 limon

Pasi keni zier ujin shtoni xenxifillin, lëngun e limonit dhe gjysmën e lëkurës se tij, lëreni për 10 minuta, kullojeni dhe piheni.

Çaj me Sambucus (lloj bime) dhe portokall

Nëse keni probleme me urinë nervore, me mire mendoni për një çaj kundër urisë. Shume e aromatizuar sepse përfshinë lulet e Sambucus dhe ato te portokallit.

- 50 gr lule Sambucus

- 30 gr lule portokalli

- 20 gr gjethe bliri

Përziejini përbërësit dhe ziejini, sapo te marrin valë, fikni zjarrin dhe lëreni ne qetësi për 5 minuta, kullojeni dhe piheni. Është me mire nëse nuk e sheqerosni. Mund ta përdorni kur keni uri ose si “parandalues” gjate ditës

Rrahja e shpejtë e zemrës, ja se si ta parandaloni!

Takikardi d.m.th ritmi i shpejtë i zemrës pra kur zemra rreh më shpejt se sa duhet. Për një të rritur rrahjet normale të zemrës variojnë nga 60-100 për minutë.

Nëse zemra juaj rreh më shpejt se 100 rrahje në minutë kjo do të thotë takikardi. Rritja e rrahjeve të zemrës mund të ndodhë edhe fiziologjikisht si p.sh kur vrapojmë etj. por në këto raste me pushim edhe ato normalizohen. Rrahjet e shpeshta të zemrës mund të bëhen shkak i problemeve serioze të zemrës.

Si ndodh takikardia?

Rrahjet e zemrës mund të rriten edhe në gjendje normale si p.sh:

Gjatë ushtrimeve fizike.

Gjatë temperaturës

Gjatë emocioneve apo merakut

Por mund të ndodh që edhe një problem me gjëndrat e tiroideve p.sh hipertiroidia (punimi më shumë se sa duhet i kësaj gjëndre ) mund të shkaktoj takikardi.

Gjithashtu edhe përdorimi i disa ilaçeve (disa ilaçe kundër kollës, gripit apo për rënien në peshë etj.) apo kokaina dhe pijet me kafeinë mund të shkaktojnë takikardi.

Këto që thamë më lart nuk janë shkaqe që kanë lidhje drejtpërdrejt me zemrën.

Ç’duhet bërë për ta parandaluar?

Më e rëndësishmja është të bëni një jetë të shëndetshme për zemrën tuaj.

Kujdesni peshën

Kujdesni ushqimin

Mos pini cigare

Mundohuni të ecni apo bëni ushtrimet që mjeku ua ka këshilluar.

Largojuni pijeve me kafein.

Rregulloni diabetin (nëse keni), tensionin e lartë dhe kujdes me kolesterolin.

Pas moshës 40 vjeçare shkoni rregullisht për kontroll tek kardiologu. Kjo për arsye se aritmitë mund të përsëriten.

Si të njihni ushqimet më të mira për qarkullimin e gjakut?

Nje sistem i shendetshem i qarkullimit te gjakut eshte nje nder themelet e nje jete te gjate e te shendeteshme. Qarkullimi i mire i gjakut ul rrezikun e semundjeve te rrezikshme, ku perfshihen presioni i larte arterial, venat varikoze dhe semundjet kardiovaskulare. Ka disa lloje ushqimesh qe mund te konsumoni per te permiresuar qarkullimin e gjakut tuaj.

Portokallet

1. Shume fruta jane te shendeteshme per te permiresuar qarkullimin e gjakut. Portokallet dhe lengu natyral i portokalleve ka nje benefit shume te madh per qarkullimin tuaj te gjakut. Vitamina C funksionon si nje antioksidant i fuqishem. Antioksidantet e mbrojne trupin nga molekula negative, te njohura si molekula qe reagojne ndaj oksigjenit, qe mund te demtojne enet e gjakut dhe veshtiresojne qarkullimin. Bioflavonoidet rrisin fortesine dhe fleksibilitetin e eneve tuaja te gjakut.

Shalqiri

2. Nje tjeter ushqim qe ndihmon ne qarkullim eshte shalqiri. Shalqiu ka permbajtje te larte te likopenit, substance e cila eshte lidhur me uljen e prezences se pllakave arteriosklerotike ne enet e gjakut. Pllaka arterisklerotike krijohet si pasoje e arteriosklerozes, semundje ne te cilen kolesteroli i keq (LDL) grumbullohet ne muret e eneve te gjakut duke i ngushtuar ato dhe duke i bere me rigide, per pasoje duke shkaktuar presion te larte arterial. Sa me pake pllake ne arteriet tuaja, aq me i mire do te jete qarkullimi.

Arrat

3. Arrat jane nje burim shume i mire i niakines, e njohur gjithashtu si vitamina B3. Niakina e ndihmon qarkullimin e gjakut duke zgjeruar enet. Niakina mund te ndihmoje edhe ne rritjen e niveleve te kolesterolit HDL, i cili quhet ndryshe edhe kolesteroli i mire dhe parandalon formimin e pllakes arteriosklerotike.

Erzat
4. Perdorimi i erzave ne ushqimet tuaja do permiresoje qarkullimin e gjakut. Nje nder erzat me te mira per qarkullimin e gjakut eshte hudhra, nje perime e lidhur ngushte me qepen, e cila ka shume benefite lidhur me shendetin. Hudhra vepron si nje hollues natyral i gjakut. Pervec kesaj, hudhra mund te ndihmoje ne eleminimin e pllakave arteriosklerotike te formuara ne ene te ndryshme gjaku. Erza te tjera qe ndihmojne qarkullimin jane piperi i kuq, piperi i zi, rigoni, kanella dhe vanilja.

Ja si mund ta ndalosh lemzën?

Lemza mund të paraqitet si reaksion në ngrënie të shpejtë, konsumim të lëngjeve të ftohta dhe ushqimeve djegëse, mirëpo mund të paraqitet edhe si pasojë e shqetësimit apo stresit. Për ta evituar atë, ekspertët sugjerojnë që të pimë një gotë ujë ose të hamë një lugë sheqer.

Lemza shpesh di të jetë diçka e bezdisshme, sidomos kur shfaqet në situata të palakueshme. Për ta evituar atë, ekspertët sugjerojnë që të pimë një gotë ujë ose të hamë një lugë sheqer. Njëkohësisht edhe faktori psikologjik luan rol të rëndësishëm.

Nëse hiqet mendja dhe mendohet në diçka tjetër, lemza do të jetë diçka e harruar. Ndalesa e frymëmarrjes, pirja e ujit të ftohtë me gllënjka të vogla, vendosja në qafë e një cope akulli, vendosja e një borse akulli në bark, gudulisja e hundës për të provokuar një
teshtimë, marrja e frymës thellë, duke ndjekur një ritëm të rregullt, janë disa nga mënyrat e ndalimit të lemzës.
Lemza mund të zërë edhe një fëmijë të porsalindur dhe mund të ndalohet duke e marrë në
krah, i mbështet kokën në shpatull dhe i bie lehtë në kurriz, në mënyrë që t’ia nxjerrsh ajrin që ndoshta i ka dilatuar stomakun ose ezofagun.

Një mënyrë tjetër është edhe frymëmarrja dhe nxjerrja në një qese letre. Në këtë mënyrë rritet sasia e CO2 në organizëm. Por, mjekët kryesisht rekomandojnë ngrënien e një luge sheqer pa ujë.

Dredhëzat dhe boronicat për tru të shëndoshë dhe mbamendje të gjatë

Manaferrat mbrojnë trurin nga plakja dhe zvogëlojnë rrezikun për të humbur kujtesën, kanë zbuluar ekspertët nga shtetet e bashkuara të Amerikës.

Dredhëzat dhe boronicat përbëjnë një sasi të madhe të komponimeve bimore të polifenolit, që mbrojnë trurin. Në të vërtetë, frutat me ngjyrë portokalli, të kuqe apo të kaltër, zvogëlojnë rrezikun nga humbja e kujtesës, si dhe në të njëjtën kohë përmirëson funksionimin kognitiv të trurit, theksojnë ekspertë që ishin bazuar në studimet laboratorike që kishin zgjatur dy muaj.

“Lajmi i mirë është se komponimet natyrore që gjenden në këto fruta, perime si dhe në frutat me lëvozhgë të fortë posedojnë ndikim antioksidues, prandaj edhe mbrojnë trurin nga plakja”, thekson eksperti Shibu Pulose, i cili kishte paraqitur studimin, që e kishte botuar “Daily Telegraph”.

Ky ekspert thekson se polifenoli që gjendet në manaferra ndihmojnë qeliza të caktuara, që marrin pjesë në mbrojtjen e organizmit nga cistet helmuese, që janë përgjegjëse për plakje, humbjen e kujtesës, si dhe mbrojtjen e shëndetit mendor.

“Hulumtimi ynë tregon se polifemolet që gjenden në manaferra me të vërtetë ndihmojnë dhe mbrojnë funksionimin aktiv t trurit. Hulumtimi ynë është i pari që tregon efektin pozitiv të konsumimit të manaferrave”, thotë eksperti Pulose.

Ja pse duart dhe këmbët na rrinë të ftohta

Këmbët ose gishtat e ftohtë të duarve mund të jenë shenja për probleme serioze ose stres, sikurse edhe për mungesë të hekurit në gjak. Lexoni disa nga simptomat të cilat nuk do të duhej t’i injoroni.

Që trupi përherë të ruajë temperaturën e brendshme, përdoret termogjeneza e cila funksionon kështu: Truri urdhëron kapilarët që të zgjerohen për të lëshuar gjakun dhe me këtë të mundësohet ngrohja ose që të ngushtohen për të ngadalësuar rrjedhën e gjakut dhe për të mundësuar ftohjen. Nëse ky mekanizëm nuk është i përkryer, këtë së pari do ta ndjejnë ekstremitetet të cilat gjenden në largësi më të madhe nga zemra. Në disa raste duart ose këmbët e ftohta mund të jenë shenjë e problemeve serioze shëndetësore të cilat duhet ekzaminuar dhe shëruar.

Nëse përveç duarve të ftohta pandërprerë ndieni lodhje, zemra ju rrah më shpejt dhe shpesh ndjeni marramendje, kontrollojeni nivelin e hekurit në gjak, sepse ndoshta vuani nga anemia. Hekuri është përbërësi kryesor i hemoglobinës, molekulës e cila çon oksigjenin në gjak dhe i jep atij ngjyrën e kuqe. Nëse niveli i hekurit është nën normale, edhe hemoglobina është e ulët, ndërsa indet kanë më pak oksigjen për të prodhuar nxehtësi.

Therjet në duar të përcjella me dhimbje në supe, shpinë, qafë mund të jenë të lidhura me artrozën – harxhimi i kërceve të nyejve. Artroza mund të paraqitet rreth të tridhjetave. Nëse krahët tuaj janë shpesh në pozitë të mbledhur është i vështirë qarkullimi i gjakut në duar dhe gishta.

Stresi mund të jetë shkaktar i ndjenjës së ftohjes së duarve dhe këmbëve. Ai rrit prodhimin e adrenalinës, hormonit i cili prodhohet në gjëndrat mbiveshkore, të cilat i ngushtojnë enët e gjakut.

Këshilla si t’i ndihmoni vetvetes

- Shmangni “kënaqësitë” si nikotinën dhe alkoolin. Nikotina ngushton enët e jashtme të gjakut, këmbët ftohen shpejt. Alkooli zgjeron enët e gjakut, kështu që trupi humb nxehtësinë;

- Qëndroni në ambiente të ngrohta;

- Mos mbathni këpucë të ngushta, nganjëherë lëvizni gishtat sepse me këtë përshpejtoni qarkullimin;

- Rregullisht bëni dush duke ndryshuar ujin nga të ngrohtë në të ftohtë (në mëngjes dhe mbrëmje), kjo forcon qarkullimin;

- Mbathni çorape të nxehta nga pambuku, nuk është e domosdoshme të jenë të trasha;

- Kurrë mos rrini me këpucë ose çorape të lagura, ndërroni ato rregullisht;

- Lëvizjet të cilat i bëjmë derisa jemi ulur bëjnë mrekulli, do të stimulojnë forcimin e qarkullimit. Është shumë e dobishme edhe gjimnastika me topin me “gjemba”.

JA SE CILËT ÇAJRA PREFEROHEN PËR SHTATZËNA?

A guxoj të pi çaj gjatë shtatzanisë?

Gjatë shtatzanisë nuk duhet konsumuar çajrat të cilat paraqesin rrezik potencial për nënën e ardhshme.

Po, por në masë të caktuar, sepse ndikimi i tyre në shtatzëna është studiuar tek një numër i vogël i bimëve.

Keni kujdes me konsumim të çajrave gjatë periudhës së shtatzanisë, sepse egziston mundësia që ndonjë përbërës i ndonjë bime mund të lëndojë frytin, disa mund të shkaktojnë diarrenë apo rrahjen e shpeshtuar të zemrës tek shtatzënat, nëse konsumohet në sasi të mëdha.

A është më mirë të pi çaj me qese (filter) apo ti pregatis vet nga bimët e thata?

Gjatë blerjes së çajrave, gjithsesi kontrolloni paketimin nëse janë të listuar përbërësit. Që të dy mënyrat e pregatitjes së çajrave kanë përparësitë dhe mangësitë e tyre.

Çajrat në qese të filterit pregatiten shumë lehtë, megjithëse në shumë raste krahas bimës dominante përdoren edhe disa bimë të tjera për ti përmirësuar shijen. Për këtë, gjatë blerjes, është e rëndësishme ti kontrolloni paketimet nëse i kanë të listuara këto bimë. Kjo vlen edhe tek çajrat instant.

Pregatitja e cajrave nga barishtet e freskëta apo të thata kërkon më shumë kohë, por kjo është një mënyrë e sigurtë të dini se prej çfarë bime e keni pregatitur çajin. Është shumë e rëndësishme që gjatë pregatitjes të keni kujdes me sasinë e bimës që pregatitni por edhe me mënyrën e pregatitjes.

Me së miri është që bimës ti hedhni ujë të vluar dhe ta leni ashtu për ca minuta të mbuluar, kurse në asnjë mënyrë të mos e vendosni për të vluar përsëri në zjarr.

Kur iu preferohen çajrat shtatzënave?

Shtatzënave iu preferohen çajrat për të zëvendësuar kafenë (një filxhanë kafeje përmban kafeinë sa katër filxhanë çajrash), si një mënyrë hidratimi, por edhe në rastet e gripit, ftohjes, neverisë, vuajtjesh…

Çaj nanesh apo xhenxhefilli ndihmon neverinë e mëngjesit, aroma e limonit ka ndikim qetësues, si dhe kamomili, përderisa çaji i shegës shkaku i vitaminës C forcon imunitetin. Për të përmirësuar shijen në çajin e ftohur mund ti shtoni limon, portokall apo ananas.

Pa marrë parasysh se a e pini çajin sepse ju pëlqen apo sepse jeni të “detyruar” ta pini shkaku i neverisë, më së pari konsultohuni me mjekun tuaj për t`ju udhëzuar se cilën bimë ta përdorni.

Cilët çaja preferohen për shtatzëna?

Nane / Mente preferohet në rastet e neverisë së mëngjesit por edhe përqetësim para gjumit.

Xhenxhefilli preferohet në rastet e të vjellave dhe neverisë, por nuk duhet konsumuar në sasi të mëdha.

Aromat e limonit ndihmojnë shqetësimet dhe pagjumësitë, sepse kanë ndikim qetësues.

Çaji i hithërave është i pasur me vitaminën A, C, K, kalcium, kalium, sidomos me hekur, prandaj preferohet në rastet me anemi. Megjithatë, para përdorimit konsultohuni me mjekun tuaj.

Çaji i shegës, për shkak se përmban sasi të madhe të vitaminës C, preferohet në rastet e ftohjeve por edhe për forcim të imunitetit.

Cilat lloje të çajrave duhet shmangur?

Gjatë shtatzanisë nuk duhet konsumuar çajrat të cilat paraqesin rrezik potencial për nënën e ardhshme. Këtu bëjnë pjesë: luleradhiqet, veshtulla, kantarioni (St. John Wort), hibiskusi, gjeth mili…Megjithatë, këto bimë nuk janë të dëmshme nëse përdoren si mëlmesa në ushqim, sepse në atë mënyrë përdoren në sasi të vogla.